К-Попыг үндэслэгч, продюсер И Сү Ман Монголын үерийн гамшгийг арилгахад зориулж 100.000,000 воны хандив өргөжээ

Төр.мн I www.tur.mn

2023-07-11

Өмнөд Солонгосын хөгжмийн К-поп урсгалыг үндэслэгч, продюссер И Сү Ман Азийн алдартнуудын хамт Монгол Улсад мод тарих арга хэмжээг зохион байгуулахаар төлөвлөж байжээ.

Тэрээр борооны улмаас Улаанбаатар хот үерийн аюулд орж, олон айл өртсөнийг сонсоод, мод тарих арга хэмжээнд зарцуулах мөнгийг үерийн хор уршгийг арилгах, хойшлуулашгүй сэргээн босгох, хохирол амссан иргэдэд тусламж үзүүлэхэд зориулан хандивласан байна.

И Сү Ман эл сайн үйлсээ “Гамшгийн эсрэг мод тарих хандив” гэж нэрлэсэн бөгөөд 100.000,000 воныг Улсын онцгой комисст төлөөлөгчөөрөө дамжуулан хүлээлгэн өгчээ Мөн “Мод нь өөрөө голын усыг үерлэхээс хамгаалж өгдөг ач тустай. Би энэхүү хандиваараа дамжуулан мод тарих нь ямар ач холбогдолтой, ямар хэрэгтэй юм бэ гэдгийг хүмүүст ойлгуулах, хүн бүр модыг хайрлан ургуулж, арчилж, байгаль дэлхийгээ авраасай хэмээн уриалахыг хүсч байна” гэдгийг уламжилсан байна.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.