Монгол Улсын аварга П.Бүрэнтөгсийн санаачлан хэрэгжүүлж буй “Бүрэн Монгол” төслийн баг өнөөдөр Булган аймгийн Хишиг-Өндөр сумын иргэн Ж.Отгонбат, Ц.Нарангарав нарт иж бүрэн тавилгатай өргөө цагаан гэр гардуулж, сайн сайхныг хүсэн ерөөлөө. Залуу хос туслах малчин, нийгмийн идэвх оролцоо сайтай, бусдад тусархаг болохыг нутгийн иргэд хэлж байв.
10 гаруй жил мал маллахдаа Ж.Отгонбатынх айраг, цагаан идээгээ уламжлалт хэв маягаар бэлтгэн түгээж, өв соёл, ёс уламжлалаа дэлгэрүүлж яваа үлгэр жишээ гэр бүл юм.
Гэр гардуулах ёслолд нутгийн ард иргэд болон сумын удирдлагууд оролцож, төслийн хүрээнд Ж.Отгонбатын өвөлжөө, хаваржааг бэлтгэж, малжуулах төсөлд хамруулахаар болсон нь Бүрэн Монгол төслийн үйл ажиллагаа улам тэлж байгааг илтгэнэ. Улсын аварга П.Бүрэнтөгсийн санаачилсан энэхүү үйл хэргийг нутгийн иргэд, хөдөлмөрчид онцгойлон сайшааж, дэмжиж буйгаа илэрхийлэн, төслийн баг хамт олонд баярласан сэтгэлээ илэрхийллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
