"Натур" төвийн дэргэдэх орон сууцанд "Буун дуу гарсан" гэх хэргийн талаар ЦЕГ-аас мэдээлэл өглөө.
2023 оны наймдугаар сарын 7-ны 21:00 цагийн орчимд "Цахим тоглоомын газар бусдад хутгалуулсан" гэх дуудлага цагдаагийн байгууллагад иржээ.
Дуудлагын дагуу очиход, 33 настай иргэний биед 39 настай эрэгтэй халдаж, хэргийн газраас зугтсан байна.
Эрэн сурвалжлах ажиллагааг явуулж, 30-40 минутын дараа хэргийг үйлдэж, зугтсан сэжигтэн Б-г олсон. Сэжигтэн Б нь хоёр гартаа хутга барьж, хутгаа гартаа скочдсон бөгөөд цагдаагийн ажилтан шаардлага тавихад "Би шийдсэн" гэх хариуг өгчээ. Улмаар цагдаагийн байгууллагаас хүч нэмэгдүүлж очсон аж.
Сэжигтэнтэй удаан ярилцсан ч нөхцөл байдал хүндэрсэн учраас алба хаагч "резинэн сум"-тай буу хэрэглэж, үйлдлийг нь таслан зогсоосон байна.
Ингэхдээ эхний удаа анхааруулж хий буудаж, дараа нь сэжигтэн Б-гийн зөөлөн эд рүү хоёр удаа буудсан байна.
Сэжигтэн "Б" нь 2020-2021 онд 5 удаагийн ял шийтгэлтэй, "Мансууруулах бодис зөөвөрлөж, тээвэрлэсэн" гэх хэрэгт холбогдож байсан, мөрдөн шалгах ажиллагаа үргэлжилж байгааг ЦЕГ-аас мэдээллээ.
Like
0
Зөв
0
1
Буруу
1
Воов
6
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
