Өнөө жил байгаль, дэлхий "Монголчууд авлигад хэрхэн идэгдэж, улстөрчид нь амлалтаа хэрхэн биелүүлдэг эсэх"-ийг ӨЛХӨӨН шалгаж байна. Сүүлийн жишээ өнгөрсөн бямба гарагт орсон 10-20 минутын борооны дараа БЗД-т үүссэн нөхцөл байдал юм.
Таван хүний эрдэнэт амь хохирч, олон айл өрх гэр оронгүй болсон бөгөөд эд материал, санхүүгийн багагүй хохирол амслаа.
Өөрөөр хэлбэл, УИХ-д БЗД-ээс суудал авсан "ТАВАН" гишүүний ажлыг шалгачихсан. Тодруулбал,
Х.Булгантуяа, Б.Энхбаяр, Б.Саранчимэг, Э.Бат-Амгалан, Ж.Чинбүрэн нар "Баянзүрх дүүргийн иргэдийн эрүүл аюулгүй орчныг хангах, хүүхэд залуусын боловсролд анхаарч ажиллахын тулд бид ногоон хөгжлийн бодлогыг дэмжих, хууль, эрх зүйн орчинг бүрдүүлж ажиллана” гэж амлажээ.
Түүнчлэн, мөрийн хөтөлбөртөө "Сансарын уулзвараас Дамбадаржаа хүртлэх зам болон Дарь-Эх, Шар хад гэх гэр хорооллын дундах замыг стандартын дагуу өргөтгөж, явган хүний болон дугуйн зам, үерийн ус зайлуулах хоолой, гэрэлтүүлгийг цогц шийднэ” гэж оноо цуглуулсаар 2020 оны сонгуулиар УИХ-д "тавын таван" суудал авч, бөглөсөн. Гэвч дээрх амлалтуудаа хэрхэн биелүүлснийг сонгогчид нь бүү хэл, байгаль дэлхий шалгаад, үнэлгээ өгчихлөө.
Амлалтаа биелүүлээгүй тэд үерийн дараа ч тойргоо эргэсэнгүй. Аргагүйд, ХНХ-ын сайд юм болохоороо Х.Булгантуяа "гэгээн дүр"-ээ үзүүлэв. Нөгөө 4-өөс Ж.Чинбүрэн очсон харагдана лээ. Харин нөгөө ГУРАВ нь таг чиг...
Дээрх "ТАВАН ГАР" амлалтаа биелүүлсэн бол нөхцөл байдал ингэж хүндрэхгүй ч байсан юм бил үү...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
