Иргэд нийслэл хотыг "Зундаа Усанбаатар, өвөлдөө Утаанбаатар" хэмээн нэрлээд удаж байна. Энэ жилийн УСНЫ улирал шувтарч, УТААНЫ улирал ойртсоор байна. Тэгвэл өнөө жил Эрчим хүчний сайд Б.Чойжилсүрэн "шинэ арга" сэджээ. Тодруулбал, 177.5 тэрбум төгрөгийн БОНД гарган, БНХАУ-аас хагас коксжсон нүүрс оруулж ирж турших аж.
Тэрбээр энэ туршилтаа тайлбарлахдаа "177 тэрбумын бонд гаргах асуудал байгаа. Өнгөрсөн жилүүдэд иргэдээс "Утаа их байгаа" талаар шүүмжлэл гарсан. Тиймээс туршилт хийж үзлээ. Эхний ээлжид түүхий эдийг хагас коксжих нүүрсээр солих туршилт хийсэн. Үүнд:
Орчны бохирдлыг бууруулах газраас 242 сая төгрөг гаргаж, БНХАУ-ын үйлдвэрүүдэд очиж судалсан. Цаашилбал, Солонгос, Японы туршлагыг судалж үзэж байна. Бусад орнуудын туршлагаас судлахдаа Хятадад байгаа технологийг хэрэглэх шийдвэр гаргасан.
Ингэхдээ, 80 тн хагас коксжих түлшийг импортоор оруулж зүүн, баруун хоёр үйлдвэрт шахмал түлшийг үйлдвэрлэсэн. Нийт 97 удаагийн галлагаа хийж, үр дүнг нь лабораторит шинжлүүлж үзлээ.
Тэгтэл тоосонцор одоо байгаа мидлингийн түлш 157 мкг м.куб байсан бол 43 болж байгаа. Дэгдэмхий 19.5-аас 11.8 хувьтай гарсан. Хүхрийн хэмжээ 0.97 хувь байсан бол 0.41 хувьтай гарсан үр дүнтэй байна. Ойролцоогоор 45 орчим хувиар буурсан. Өөрөөр хэлбэл, агаарын бохирдлын хэмжээ одоо байгаагаас хоёр дахин буурах тооцоо байна" хэмээв.
"АРГАЛНА ДАА" хочит Б.Чойжилсүрэн сайд юу л сэдэж, аргалах гээд байна даа...
Like
0
Зөв
0
1
Буруу
0
Воов
2
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
