Ардчилсан намыг самрагч, урвагч нэр зүүгээд байгаа С.Эрдэнэ өнгөрөгч Ерөнхийлөгчийн сонгуулиар цагаан сонголтноос дор санал авч өвдөг шороодов. Ерөнхийлөгч болоогүй нь ч болсон юм гэж ярих хүмүүс олширч. Учир нь С.Эрдэнэ нь газрын наймааны хэрэгт нэг бус удаа орооцолдож байсан юм.
Саяхны жишээ татахад Сүхбаатар дүүргийн нэгдүгээр хороонд байрлах “Шонхор тауэр”-ын газрын асуудал дахин хөндөгдөж эхэлсэн. Тус газрын асуудлыг эргэн сануулахад С.Эрдэнийн охин Э.Содгэрэлийн “Төгс эрдэм сан”-гийн нэр дээр “Хөгжлийн бэрхшээлтэй хүүхдийн хөгжлийг дэмжих төвийн зориулалтаар ашиглана” гэж 330 м.кв газрыг авч, “Шонхор тауэр”-ыг барин 2014 онд ашиглалтанд оруулсан. Гэвч тус барилга нь өнөөдөр зориулалтаараа ашиглагдахгүй С.Эрдэнийн хувийн хөрөнгө болчихооод байгаа юм. Ардчилсан намын оффис, хувийн компаниудын оффис, ресторан зэрэг олон газарт түрээсэлчихсэн.
Тэнд нэг ч хөгжлийн бэрхшээлтэй хүүхдийн хөгжлийг дэмжих байгууллага байрладаггүй.
НАЙРАМДАЛ зуслангийн газраас хумсалсан түүх
2008 он хүртэл ОУХНЦ нь нийтдээ 5300 га газар эзэмшдэг байв. Үүний дараагаар Нийслэлийн Засаг даргын 2008 оны 6-р сарын 13-ны 298-р захирамжаар эзэмшил газар нь 1225 га болтлоо хасагдаж хүүхдийн зуслангийн зориулалтаар эзэмшүүлэхээр болсон байдаг. Дараа оных нь 10-р сарын 07-ны өдрийн 527-р захирамжаар газрын зориулалтыг хүүхдийн зуслан, орон сууц, зуслангийн зориулалтаар эзэмшүүлэхээр гэрчилгээ олгожээ.
ОУХНЦ-ын эзэмшлийн нутаг дэвсгэрт “МОЛОРКОНСТРАКШН” ХХК нь орон сууц барьсан нь С.Эрдэнийн хамаарал бүхий хүн буюу түүний ээж тухайн компанийг эзэмшдэг.
.JPG)
2014 онд Найрамдал зуслангийн эзэмшлийн талбайд 150 айлын орон сууцыг “Молор трейд” ХХК-аар бариулахаар гэрээ байгуулсан байдаг. Одоогоор 143 айлын 2 блок барилгыг хүлээлгэн өгөөд байна. Тус компани нь мөн л С.Эрдэнийн ээжийн үүсгэн байгуулсан компани.
ОУХНЦ нь Хүн амын хөгжил, нийгмийн хамгааллын яамны харьяа УТҮГ, тус яамны эрхлэх асуудлын үйл ажиллагаа явуулдаг байгууллага.
2012 оны УИХ-ын сонгуульд АН ялалт байгуулж, тухайн жилдээ С.Эрдэнэ нь Хүн амын хөгжил, нийгмийн хамгааллын сайдаар томилогдож байв.
“Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай” хуулийн 6-р зүйлийн 6.315, 12 дугаар зүйлийн 12.116 дах заалт зөрчигдөж, ашиг сонирхлын зөрчил үүссэн байх магадлалтай юм.
Үргэлжлэл бий...
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
