УИХ-ын хаврын чуулганы үеэр олны анхааралд байсан НД-ын багц хуулийг хаалтын чуулганаар баталсан байдаг. Энэ дундаас "Малчдын НДШ-ийн 50 хувийг төр даах" буюу татвар төлөгчдийн мөнгөөр төлнө гэсэн" заалтыг олон нийт эсэргүүцэж ирсэн. Түүнчлэн, УИХ-ын гишүүн Х.Ганхуяг эсэргүүцэж "Монгол Улсын Ерөнхийлөгч дээр хуульд ХОРИГ тавихгүй бол ҮХЦ-д хандана" хэмээж байсан билээ. Тэгвэл Ерөнхийлөгчийн ХОРИГ тавих хугацаа дуусаж, УИХ-ын гишүүн Х.Ганхуяг тайлбар өгөв. Тэрбээр,
"Нийгмийн даатгалын шимтгэл төлөх малчдын тоог нэмэгдүүлэх зорилгоор 50 хувийг нь төр төлнө" гэдэг зохицуулалт улсын төсвийн зардлыг нэмээд зогсохгүй, бага цалингаасаа шимтгэл төлдөг байр, машин, цалингийн гээд олон зээлтэй иргэдийг хохироосон зохицуулалт болсон.
Нийгмийн даатгалын багц хуульд Ерөнхийлөгч хориг тавих хугацаа өнгөрч, тус хууль ҮХЦ-д очоод байгаа.
Улсын хэмжээнд 300 мянга гаруй малчин байгаагаас НДШ төлөх насны 223 мянган иргэн байна. Үүнээс өнөөдрийн байдлаар 66 мянган малчин шимтгэл төлдөг.
Нэг малчин хөдөлмөрийн хөлсний доод хэмжээгээр буюу 550 мянган төгрөгөөр тооцож НДШ төлбөл 13,5 хувь буюу сард 63,250 төгрөг төлнө. Эхний таван жилийн шимтгэлийн 50 хувийг буюу 1,897,500 төгрөгийг төрөөс төлөхөөр болсон.
Нэг малчны 1,897,500 төгрөгийг шимтгэл төлөх насны 223 мянган малчнаар тооцон бодвол /423 тэрбум/ төгрөг төр хариуцна" хэмээлээ.
Мөн "Энэ зохицуулалтаас нэг малчинд өгөх үр шим тийм ч сайн биш. Үүний оронд нийт татвар төлөгчдийн НДШ-ийн хувь хэмжээг буулгах нь аль ч талдаа хэрэгтэй шударга зөв зохицуулалт болох байсан гэдгийг удаа дараа хэлж байлаа. Энэ асуудал дээр ҮХЦ ямар шийдвэр гаргахыг бид анхааралтай ажиглаж, байр сууриа илэрхийлэх хэрэгтэй" гэв.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
