"Сайхан сэтгэлт монголчуудаасаа тусламж хүсэж байна". Энэ өгүүлбэр та бүхний чихэнд нэг л танил сонсогдохгүй байна уу? Өвчин зовлонд нэрвэгдсэн иргэд аргагүй эрхэнд ард түмнээсээ тусламж хүсэхдээ ашигладаг өгүүлбэр. Тэгвэл сүүлдээ эргээсээ хальж, "СОШИАЛ ОД" О.Осоржамаа мэтийн хүмүүс ашигладаг болж. Тодруулбал,
Өчигдөр мань эр өөрийн цахим хуудаснаа "Нутагтаа ирсэн гоё байна. Гэхдээ яараад, мөнгө муутай гараад ирсэн нь миний буруу болжээ. Машин маань тиймэрхүү болсон, голын эрэг дээр гацчихаад та бүхнээсээ тусламж хүсэж байна. "Хүний төлөө юм шиг" гэж битгий бодоорой. О.Осоржамаадаа 1000, 5000 гэлтгүй туслаач. Битгий муулж, доромжлоорой" хэмээгээд, дансны дугаараа үлдээжээ.
Түүний хувьд цахим орчинд "лайв" хийн, авьяасаа үзүүлж, түмэн олныг баясгадгаараа хэдийнэ танил болсон. Үүнийх нь хариуд иргэд данс руу нь их бага хэмжээгээр мөнгө шилжүүлж, зарим уран бүтээлч тоглолтынхоо тасалбарыг бэлэглэж, хоолонд хүртэл оруулсан байдаг.
Гэвч О.Осоржамаа олны хайр хүндлэлийг даалгүй архидан согтуурч, олон нийтийн газар биеэ зохисгүй авч явсан үйлдлүүд нь сүүлийн үед олны дургүйцлийг хүргээд буй. Ямартаа л "Наанаа туслах малчнаар ажилд ор. Эсвэл "шорлог"-оо зарж, мөнгө ол. Чиний архины мөнгийг бид өгөх ёсгүй" хэмээх билээ дээ.
Бид О.Осоржамааг дэндүү даврааж, толгой дээрээ гаргажээ. Монголчууд аа, сайхан сэтгэлдээ "цензур" тавьж, ХЭРСҮҮ хандацгаая.
Like
11
Зөв
2
1
Буруу
0
Воов
2
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
