АНУ руу шууд нислэг үйлдэх "ХУБИЛАЙ ХААН" ВOEING 787-9 DREAMLINER агаарын хөлгөө хүлээж авлаа

Админ

2023-08-11

АНУ-руу шууд нислэг үйлдэх "Хубилай хаан" Боинг-787-9 агаарын хөлөг өнөөдөр /2023.08.10/ "Чингис хаан" ОУНБ-д 10:05 цагт газардлаа.

"МИАТ" ТӨХК болон AerCap компаниуд 2023 оны тавдугаар сард хоёр ширхэг 787-9 /Dreamliner/ төрлийн агаарын хөлгийг үйл ажиллагааны урт хугацааны түрээсээр авах гэрээг байгуулсан юм. Хоёр дахь 787-9 агаарын хөлгийг 2024 оны эхний улиралд хүлээн авна.

Уг агаарын хөлөг нь тасралтгүй 14 мянган км нисэх хүчин чадалтай, өргөн их биетэй, зорчигчийн тав тухыг бүрэн хангасан, түлшний хэмнэлттэй, хамгийн сүүлийн үеийн технологийн шийдэл бүхий агаарын хөлөг бөгөөд МИАТ компани 292 зорчигчийн суудалтайгаар /30 бизнес, 36 премиум, 226 энгийн/ захиалсан.

"МИАТ" компани эхний ээлжинд уг агаарын хөлгөөр Франкфурт, Истанбул, Сөүл хот цаашдаа АНУ-ын чиглэлд нислэг үйлдэх юм.

Тус онгоц нь зорчигчийн тав тухын хувьд:

В787-9 агаарын хөлгийн цонх нь одоо ашиглаж байгаа бусад агаарын хөлгүүдийн цонхноос цэлгэр том тул зорчигчдод тав тухтай, таатай мэдрэмж төрүүлдэг.
Салоны дуу чимээ бага тул зорчигчид урт замд ая тухтай амрах боломжтой.
Салоны даралт 6000ft байгаа нь зорчигч болон нисгэх бүрэлдэхүүнд ядрахгүй. Бусад агаарын хөлгийн доторх агаарын даралт 6500-8000ft байдаг.
Салоны агаарыг хөдөлгүүрийн агаараас авалгүй цахилгаан хөдөлгүүртэй компрессороор хангадаг тул доторх агаарын чанар сайжирсан.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

АНУ руу шууд нислэг үйлдэх "ХУБИЛАЙ ХААН" ВOEING 787-9 DREAMLINER агаарын хөлгөө хүлээж авлаа

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд