"Сөрөг хүчин" гэх сүржин нэртэй хэрнээ ямар ч "сүр"-гүй болсон АН-ынхан арайхийж АЛБАН ЁСНЫ даргатай болсон ч өнөөдрийг хүртэл учраа олоогүй л явна.
Аргаа барахдаа үер буусны дараа голомтод хүрз, шуудайтай очиж, "САЙН ЭРС"-ийн дүр үзүүлээд авав. Түүнчлэн, үер усны аюулд бэлтгэлгүй байсан хэмээн үзэж, Хотын дарга Д.Сумъяабазарыг "ОГЦРУУЛАХ" гурав хоногийн хугацаатай шаардлага хүргүүлээд амжсан. Өнөөх гурав хоног нь аль хэдийнэ өнгөрсөн. АН-ынхан гурав хоногоо өөрсдөө ч мартсан яваа бололтой.
Тэд өнөөдөр /2023.08.14/ нэгэн сүржин мэдээлэл хийсэн нь "Хуучнаар СТӨ-ний урд байсан байрыг нь газрын хамтаар ХХБ-ны гэх "САХАЛ" Д.Эрдэнэбилэг луйвардсан" гэх асуудал байлаа.
Энэ тухай АН-ын Үндэсний бодлогын хорооны гишүүн Х.Алтанхуяг "Сахал хочтой Д.Эрдэнэбилэг гэдэг хүн маш том бүлэглэлийн эзэн. Энэ нь ч нууц биш болсон. Нам дамжсан, хэнд ч дийлдэггүй, бүхнийг булааж авч байдаггүй, цаддаггүй бүлэглэл бий. Улс орны үнэт зүйлийг хүртэл булааж авдаг. Эрдэнэт, төмөрлөгийн үйлдвэр, Хөтөлийн цемент зэргийг булааж авсныг та бүхэн мэдэж байгаа. Дээрээс нь АН-ын байрыг булааж аваад, нураасан. АН байртай байсан юм шүү. Тэндээ хуралдаж, үнэт зүйлээ бий болгосон. Тэр байрандаа олон ялалтыг авчирсныг намын гишүүд мэдэж байгаа. Жижиг ч гэсэн тэр байр 200 мянган гишүүний үнэт зүйл нь байсан" хэмээн байр сууриа илэрхийлэв.
Мөн АН-ын ҮБХ-ны гишүүн А.Цэрэнбат "Гэрээний дагуу 25 давхар, хурлын заалтай, залуучууд нь цугладаг, үзэсгэлэн гаргадаг, мэтгэлцээн явуулдаг, бодлогын судалгааны байруудтай АН-ын байр баригдах хугацаа өнгөрөөд таван жил болж байна. Намын ялагдалд энэ бүхэн нөлөөлсөн гэж бид харж байгаа. Яагаад гэвэл нэгдсэн байргүй, гишүүд нь цуглах газаргүй" хэмээв.
Эвий дээ, АН-ынхан учраа олж чадахгүй, удаа дараалан сонгуульд ялагдсан буруугаа бусдаас хайж эхлэв.
Like
0
Зөв
1
1
Буруу
1
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
