Булган аймгаас УИХ-д суудал авсан "Чимээгүй баавгай" жинхэнээсээ сэржээ. Ингэж хэлж буйн учир нь УИХ-ын гишүүн Ц.Анандбазар "НҮҮРСНИЙ ХУЛГАЙ"-д нэр холбогдох үедээ өөрийгөө ингэж нэрлэсэн байдаг. Тэрбээр,
Зуны амралтаараа Булган аймгаа эргэж тойрч яваа харагдана. Өнгөрсөн бямба гарагт болсон "АЙРАГНЫ ФЕСТИВАЛ"-Д оролцохдоо англиар "Welcome to Bulgan aimag. August Airag festival" гэж сүрхий нээлтийн үг хэлнэ лээ.
Үүгээр ч зогсохгүй, Өрмийн цагаан нуурын дэргэд "АЙРАГНЫ ГЭРЭЛТ ХӨШӨӨ" сүндэрлүүлжээ. Булганчууд аргагүй л АНХДАГЧ юм.
Түүний Ажлын албанаас нь "Монголчуудын эрхэм ундаа айргийг үеийн үе, үрийн үрдээ мөнхлөн дээдлэх гэрэлт хөшөөг босголоо. Ингэснээр их туухийн хуудаснаа Булганчууд ахин нэгэн "анхдагч" болж, айрагны хөшөөг босгож дэлхийд Монголыг таниулах брэнд бүтээгдэхүүнээ хүндлэн дээдэлсэн сайхан үйл явдал боллоо.
Адуугаа шүтэж айргаа хүртэж, ёс уламжлалаа дээдэлж өвгөдөө шүтсэн түүхийн үргэлжлэл түмэн олон минь адууны хийморьтой анхдагч хангайдаа мандах наран бүрийг аз жаргалтай харан мишээж түмэн адуугаа хурааж явахын ерөөл өргөе" гэжээ.
Эргэн сануулахад, 2022 оны эхээр "3.8 тэрбум төгрөгөөр "Айрагны өргөө" барина" хэмээх шуугиан гарч, олон нийтийг бухимдуулж байсан юм. Тэгвэл өргөө биш, хөшөө босгоод иржээ.
Ц.Анандбазар гишүүн ээ, айрагны хөшөө босгох яахав. Сонгогдсон аймаг чинь жилийн жилд "Өрсөлдөх чадвар"-аараа сүүл мушгидаг. 2022 онд гэхэд л 19 дүгээр байрт орсон.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
