Канад улсын алслагдсан бүс нутаг болох Баруун Хойд Газар Нутгийн (Northwest Territories) төв Йеллоунайф хотод ойн түймэр ойртож ирсэн тул өчигдөр оршин суугчдыг нь нүүлгэж эхэлжээ. Түймэр тус хотын хойд захаас 16 км-ийн зайд тулж ирсний дараа дөрвөн дүүргийн иргэдийг нэн даруй нүүлгэх шийдвэр гарсан байна.
Өчигдөр Йеллоунайф хотоос гарах хурдны замд иргэдийн автомашины урт цуваа үүссэн байна. Газраар дүрвэх боломжгүй иргэдийг орон нутгийн захиргаа агаарын замаар зөөж эхэлжээ.
Канадын ерөнхий сайд Жастин Трюдо өчигдөр засгийн газрын шуурхай хуралдаан зарлаж, нүүлгэн шилжүүлэлтийн асуудлыг хэлэлцсэн байна.Йеллоунайф хотоос гадна тухайн бүсийн өөр найман тосгон суурин газраас 6,800 орчим хүнийг нүүлгэн шилжүүлээд байгаа юм. Тэдгээрийн нэг Энтерпрайз гэдэг жижиг хотын байшин барилгын 80 хувь нь түймэрт шатсан байна. Энэ онд Канад улс түүхэндээ байгаагүй томоохон гал түймрийн гамшгийг үзэж байгаа юм.
Тус улсад он гарсаар 5,700 гаруй хэсэг түймэр гарч, нийтдээ 137,000 хавтгай дөрвөлжин километр талбайг шатаасан байна. Өчигдрийн байдлаар Канад даяар 1,053 түймэр идэвхтэй шатаж байгаагийн талаас илүү нь хяналтаас гарчээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
