Өнгөрөгч 2019 оын 2-р сард манай улсын нэр бүхий иргэд улс хоорондын шуудан илгээмж ашиглан АНУ-аас 500 сая орчим төгрөгийн үнэ бүхий метамфетамин /мөс/ төрлийн сэтгэцэд нөлөөтэй бодис захиалан хууль бусаар нэвтрүүлсэн хэрэг гарсан билээ.
Хэргийг эргэн сануулбал 19-32 насны гурван этгээд их хэмжээний мансууруулах эм, сэтгэцэд нөлөөт бодисыг тээвэрлэж байгаад Сүхбаатар дүүргийн нутаг дэвсгэрээс саатуулагдсан юм. Улмаар Эрүүгийн хуулийн тусгай ангийн 20.7.2, 18.5.3-т зааснаар хэрэг бүртгэлтийн хэрэг нээн шалгаж эхэлсэн.
Тэгвэл энэ хэргийн шалгалтын ажиллагаа дууссан байна.
Нийслэлийн прокурорын газраас их хэмжээний сэтгэцэд нөлөөт бодисыг худалдаалах зорилгоор, Улсын хилээр хууль бусаар нэвтрүүлэн, хүлээн авсан Т гэгчид ЭХТА-ийн 18.5.3, 20.7.1, 20.7.2-т зааснаар яллах дүгнэлт үйлдэн хэргийг Сүхбаатар дүүргийн Эрүүгийн хэргийн анхан шатны шүүхэд шилжүүлжээ. Тус шүүх гэм буруугийн шүүх хуралдааныг наймдугаар сарын 23-ны даваа гарагийн 13.30 цагт товлосон ч есдүгээр сарын 15-ныг хүртэл хойшлуулсон байна.
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
