Сүүлийн саруудад ипотекийн зээл олгохгүй байгаа талаар иргэд ярьж, энэ хэмжээгээр нийгэмд бухимдал үүсээд буй. Цар тахлын тухай "түр хууль"-ийн хүрээнд зээлийн эргэн төлөлт хойшлуулалт өнгөрсөн оны арванхоёрдугаар сарын 31-нээр дуусгавар болж, иргэд энэ оны нэгдүгээр сарын 1-нээс зээлээ хэвийн төлөх шаардлага үүссэн. Түүнчлэн, Ипотекийн зээл Монголбанкнаас Засгийн газрын мэдэлд шилжихээр болсон байдаг. Тодруулбал,
Оны эхний хагас жилд багтаан шилжүүлэх Засгийн газрын тогтоол гарсан бөгөөд энэ хугацаанд олгох зээлийн санхүүжилтийг Монголбанкнаас арилжааны банкуудад олгосон байжээ. Улмаар долдугаар сарын 1-нээс Засгийн газрыг төлөөлж, зээл хариуцах яам, агентлаг тодорхой болоогүй бөгөөд зээлийн санхүүжилт тасарснаар иргэдээс банкуудад ирүүлсэн зээлийн хүсэлт хүлээгдсээр байгаа аж.
Энэ тухай Монголбанкны Ерөнхийлөгч Б.Лхагвасүрэн хэлэхдээ "Оны хоёрдугаар хагасаас эхлэн ипотекийн зээлийг Монголбанкнаас шилжүүлэх хэдэн хэдэн асуудал яригдсан. Жишээлбэл, "Төрийн орон сууцны корпораци" ТӨҮГ руу шилжүүлье гэсэн боловч тухайн байгууллага нь Хөгжлийн банканд чанаргүй зээлтэй бөгөөд нэр хүнд муу гээд маш төвөгтэй байсан. Хувийн хэвшил буюу Монголын Ипотекийн корпораци руу оруулж болохгүй, заавал төрд очих ёстой гээд өнөөдрийг хүртэл шийдэж чадахгүй яваа. Дээрх асуудлыг энэ лхагва гарагийн Засгийн газрын хуралдаанд танилцуулсан. Ер нь зээлийг шууд Засгийн газар хүлээж авбал улсын төсөвт "дарамт" ирэх учраас энэ асуудал удааширч байгаа гэж Монголбанкны зүгээс үзэж байна. Өөрөөр хэлбэл, замд нь заавал Төрийн өмчит нэг компани байх шаардлага үүсээд байгаа" гэлээ.
Ийнхүү иргэдэд, ялангуяа залууст амин чухал хэрэгцээ болдог "ипотекийн зээл"-ээр Засгийн газар, Монголбанк хоёр ХӨЛ БӨМБӨГ тоглож, иргэд бухимдсаар байна.
Like
0
Зөв
0
1
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
