"Монгол Улсад аялж явсан Канад охин аавынхаа үлдээсэн бамбаруушаа гээсэн" талаарх мэдээлэл цахим орчинд гараад байсан билээ. Тэгвэл "бамбарууш"-ийг Өмнөговь аймгийн Сэврэй сумаас олсон бөгөөд тус сумын Засаг дарга Б.Батсайхан бамбаруушны эзэн охинтой уулзах эмэгтэйд өгч явуулсан тухайгаа цахим хуудаснаа бичжээ. Тэрбээр,
"Бамбаруушны эзэн охин Канад улсын иргэн юм байна. Бамбаруушийг аав нь бэлэглэсэн бөгөөд аавыг нь орлож үлдсэн ганц хайртай тоглоом гэнэ. Охин Монголоор аялах үедээ тоглоомоо Өмнөговь айигийн Сэврэй сумын нутаг, алдарт Хонгорын элсний ар хормой дахь "Жуулчин говь-2" бааз дээр орныхоо ар хөндийд унагаад, мартаж явсан аж. Тоглоомоо олохоор зар тавиулж, "Сайхан сэтгэлт Монгол түмэн олж өгч өнчирсөн сэтгэлийг нь дэвтээх юмсан" гэж санаа тавьж байлаа. "Жуулчин говь-2" баазын У.Баярсайхан, Ж.Отгонжаргал нар орны араас олж, Улаанбаатар хүргэж эзэнд нь хүргэж өгөх үүрэг хүлээсэн юм аа. Гэр бүлийн хамт уг тоглоомыг үнэр нь гарчих вий" гэж гялгар уутанд хийж хямгадан явсаар Канад улс руу бамбаруушны эзэн охинд хүргэх бүсгүйд хүлээлгэн өгөв. Бамбарууш удахгүй эзэндээ хүрч охин баярлах байх аа.
Энэ тоглоом нэг охины хувийн хэрэг хэдий ч Монголчууд зөв зүйлд хүн хүнээ хайрлах, өрөвдөх, туслах, нинжин сэтгэл гаргах, гээд ямар их агуу сэтгэл гаргаж чаддаг гэдгийг батлаж чадсан үйл боллоо.
Монголчууддаа баярлалаа" гэжээ.
Like
1
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
