Шилдэг найман багийн нэгээр шалгарч Токио-2020-д хүч сорьсон О.Хулан тэргүүтэй 3х3 сагсан бөмбөгийн 23 хүртэлх насны эмэгтэй шигшээ баг өнгөрөгч шөнө "Nations League"-ийн тоглолтоо эхлүүлж эхний ялалтаа баталгаажууллаа. "FIBA 3x3 U23 Nations League" нь "Европ-1", "Европ-2", "Европ-Америк", "Африк-Ази" болон "U21" гэсэн таван бүсэд хуваагдан өрсөлдөөнийг үзүүлж байна.
Манай улсын эрэгтэй, эмэгтэй багийн тамирчид "Африк-Ази" бүсэд багтсан. Тус бүсэд Монгол, Нигери, Алжир, Египетийн багууд багтаж байна.
Бүсийн эхний цуврал Египет улсын “Аравдугаар сарын 6” хэмээх хотод долоон өдрийн турш дундаа нэг өдөр завсарлан зохиогдох хуваарьтай. Манай улсын U23 эмэгтэй шигшээ баг хэсэгтээ Египетийн U21 насны багийг 16:13 харьцаатай хожсон боловч Египетийн U23 насны багт 17:18 харьцаатай хожигдож хэсгээсээ хоёрдугаар байраар гарсан. Улмаар эхний өдрийн аваргын төлөө Египетийн U23 насны багтай ахин тоглож сүүлийн мөчин 19-21 харьцаагаар хожин түрүүллээ. Харин эрэгтэй U23 шигшээ багийн хувьд Египетийн U21 багт 22-18, Египетийн U23 багт 22-16 харьцаагаар хожигдсон байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
