Нийслэлчүүдийн хувьд түгжрэлээс гадна сэтгэлд нь нийцдэггүй нэг үйлчилгээ бол яах аргагүй НИЙТИЙН ТЭЭВЭР билээ. Тэгвэл түгжрэл бууруулахын тулд 420 ТЭРБУМ төгрөг төсөвлөсөн байдаг бөгөөд Түгжрэлийн сайд буюу Нийслэл Улаанбаатар хотын түгжрэлийг бууруулах үндэсний хорооны дарга Ж.Сүхбаатарын багцад “Нийтийн тээврийн парк шинэчлэлт”-ийн хүрээнд 318 тэрбумыг нь төсөвлөсөн. Үүнээс энэ онд “Евро-5” хөдөлгүүртэй 600, цахилгаан 160, дунд багтаамжийн 50 гаруй автобус оруулж ирэхээр төлөвлөжээ.
Энэ оны эхэнд 224 автобус оруулж ирж төрийн өмчит байгууллага буюу “Зорчигч тээврийн нэгтгэл” болон “Зорчигч тээвэр гурав” ОНӨААТҮГ-т хуваарилсан байдаг. Гэвч өнөөдрийн байдлаар 50 гаруй автобус нь “Зорчигч тээвэр гурав” ОНӨААТҮГ-ын хашаанд шинээрээ “сул зогсож” байгаа аж.
Эх сурвалж: Isee.mn
Та бүхэн санаж байгаа бол өнгөрсөн хавар нийтийн тээврийн үйлчилгээ эрхлэгч “Эрдэм транс” ХХК нь “Өвлийн эд ачааллын үеэр чиглэлийн гаралтаа нэмүүлэх хүсэлтийг Нийслэлийн Нийтийн тээврийн газарт удаа дараа хүргүүлсэн боловч хүлээн аваагүй улмаас он залуу автобуснууд нь сул зогссон” хэмээн “ШҮГЭЛ” үлээж гарч ирсэн. Тэгвэл энэ асуудал дахин давтагдаж байна.
Иймд Ж.Сүхбаатар сайд та болон Нийтийн тээврийн газар төлөвлөлтөө хийж, асуудлыг шийдэхгүй бол дахин “УЛСЫН ТӨСӨВ”-ийн 300 гаруй тэрбум төгрөгөөр орж ирэх автобуснууд “СУЛ ЗОГСОЛТ” хийж мэдэхээр байна.
Like
0
Зөв
0
2
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
