Түгжрэлийг бууруулахад хэрэгжүүлж буй богино, дунд хугацааны ажил, бодлогыг Ж.Сүхбаатар сайд танилцууллаа.
Нийслэл Улаанбаатар хотын авто замын түгжрэлийг бууруулах Үндэсний хорооны дарга Ж.Сүхбаатар хэлэхдээ “Автобус машин хоёрын байрыг солих эсвэл тэнцүү болгох шаардлагатай байна. 64% нь машинаар явж байгаа үед бид яаж түгжрэлийг бууруулах юм. Хувийн машин унадаг явдлыг бид хязгаарлах бууруулах, шахах механизмуудыг ашиглах шаардлагатай болж байна.
Нэг сая 800 мянган машинаар зорчиж байгаа хүмүүсийг задлаад үзвэл 44% нь буюу 812 мянга гаруй нь ажилдаа ирж очих, 25% буюу 461587 нь хүүхдээ сургууль цэцэрлэгт хүргэж өгөх, 17% нь амралт чөлөөт цагаа өнгөрөөх, 14% нь бусад гэх шалтгаануудтай байгаа.
Бүтэн жилийн хугацаанд Улаанбаатарт бүртгэгдэж орж ирсэн авто машины тоо 59 мянгад хүрсэн. Энэ байдлаар явбал 2025 онд тэг зогсолт болно гэдэг эндээс харагдана” гэв.
Улаанбаатар хотын авто замын түгжрэлийг бууруулах нэгдсэн төслийн захирал Ч.Батзориг төсвийг танилцуулахдаа “414 тэрбум төгрөг албан ёсоор иргэдийн төлөөлөгчдийн хурлаар орсон. 414 тэрбум төгрөгөөс нийтдээ дөрвөн бүлэг 12 багц нийт 289 төсөл арга хэмжээ төлөвлөгдсөн.
Зарцуулалтыг товчлоод 12 багц төсөл арга хэмжээнээс томоохон хийгдсэн ажлуудыг хувьчлаад авч үзвэл: Нийтийн тээврийн парк шинэчлэлтэд 74,5 тэрбум буюу 20% зарцуулсан. Газар чөлөөлөлтөд нийт 72,4 тэрбум төгрөг төсөвлөөд түүнээс 55 тэрбум төгрөг 2022 онд гүйцэтгэлээр авсан 2023 онд 17 тэрбум төгрөг гарсан. Нийлүүлээд газар чөлөөлөлтөд 19% зарцуулсан.
Сургууль цэцэрлэгийн хүртээмжийг нэмэгдүүлэх чиглэлээр 2022 онд болон 2023 онд нийт 345 тэрбум төгрөгийн 20%- ийг эзэлж байгаа. Дараагийн шинэчлэлтийн ажил болох гол ба туслах зам нийт 13 байршилд томоохон гүүрэн байгууламж замын бүтээн байгуулалт энэ оны төгсгөлд нийт төсөв 220 тэрбум төгрөг болно.
Энэ нь нийт зарцуулагдсан мөнгөний 21%-ийг эзэлж байна. Замын хөдөлгөөний удирдлага зохион байгуулалтыг шинэчлэх ажлын хүрээнд нийт мөнгөний 6%-ийг зарцуулсан” гэж хэллээ.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
