АН-ын ҮБХ-ны хурлын үеэр Үндэсний бодлогын хорооны дарга, УИХ-ын гишүүн Д.Ганбат байр сууриа илэрхийллээ. Тэрбээр,
“АН-ын ҮБХ нь 2022 оны гуравдугаар сарын 30-нд Улсын дээд шүүхэд дүрмийн өөрчлөлтийг бүртгүүлсэн. Энэ өөрчлөлтийг бүртгүүлсэн ҮБХ хүчин төгөлдөр гэсэн үг. Бид Улсын дээд шүүхэд АН-ын даргаар Л.Гантөмөрийг бүртгүүлж, албан ёсны гэрчилгээн дээр намын даргын нэрийг бичсэн. Сүүлийн хэдэн сар Улс төрийн намын хууль, ҮХНӨ, сонгуулийн тухай хууль батлагдсан. Одоо эдгээрийг эмхэлж цэгцлэх цаг нь болсон. Үүнээс илүү удааж болохгүй.
Үндэсний хэмжээний хоёр намын нэг болох АН-ын үйл ажиллагааг зориуд гаднаас нь хүчгүй болгоод, энэ маягаар яваад байвал 2024 оны сонгуулийг сонголтгүй болгож, бусармаг үйл ажиллагаа явуулах гэж байна. Цаана нь дарангуйлал бий болгох гэж байгаа хүмүүст улс төрийн намын үйл ажиллагаа заавал таалагдах албагүй.
Хууль дүрмийнхээ дагуу ҮБХ-ны дарга миний бие зохих үйл ажиллагаагаа явуулна. Хамгийн гол нь бид хүчин төгөлдөр ҮБХ-гоо бүрэн бүтэн болгож авна. Энэ дээр хэл амаа ололцоод цаашаа явах ёстой” гэв
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
