ХУД-ийн ИТХ-ын төлөөлөгч Б.Жагар болон иргэдийн төлөөлөл Туул гол дагуу барилга дахин бариулахгүй байх талаар Засгийн газар, Нийслэлийн холбогдох албан тушаалтнуудад шаардлага хүргүүллээ. Энэ үеэр Б.Жагар дараах байр суурийг илэрхийллээ. Тэрбээр,
“Улсын төсөвт дараагийн үр ашиггүй зардал, хохирол учрах гэж байна. Жишээлбэл, ХУД-ийн нутаг дэвсгэрт байгаа “Авлига хороолол” буюу “Aqua Garden”-г буулгах шийдвэр гарч байгаа.
Миний олон нийтэд хандаж буй гол зорилго бол олон жилийн хугацаанд анхан шатны хорооноос эхлээд, Монгол Улсын Ерөнхийлөгч, Ерөнхий сайд, Хотын дарга хүртэл бүхий л газар хэлтэс, мэргэжилтэн гээд уулзаагүй нэг ч газар байхгүй. ШУА-ийн дүгнэлтийг үл хүндэтгэсэн. Бидэнд Усны газраас ирүүлсэн хууль зөрчсөн асуудлыг Нийслэлийн Ерөнхий төлөвлөгөөний газар буюу Ерөнхий архитектор Н.Нацагдорж, Ц.Тулга болон барилгын тусгай зөвшөөрөл олгодог бусад 20 гаруй байгууллагын дарга нар уландаа гишгэж байна. Ийм хууль бус барилга барих зөвшөөрөл өгөөд байгаа нь ашиг сонирхлын зөрчил гэж харж байна.
Хэн нэгэн мөнгөтэй болохын төлөө, авлига авахын төлөө Монголын ард түмэн уух усгүй байж болохгүй. ШУА нь Туул голын хөндийд барьсан аливаа барилга байгууламж, зам талбай тэдгээрийн нягтрал, байршил зэргээс шалтгаалан газрын доорх усны тэжээмж, хөдөлгөөн байгалийн горим зэрэг тодорхой хэмжээнд нөлөөлнө. Цаашид “Аливаа барилга байгууламж тэдгээрийн нягтрал нэмэгдэн голын голдиролд ойртох тусам голын эко системд үзүүлэх сөрөг нөлөөлөл ихсэж, голын эко системийн тэнцвэрт байдал алдагдахад хүрнэ гэж дүгнэсэн" хэмээв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
