Эрчим хүчний сайд Б.Чойжилсүрэн агаарын бохирдлыг бууруулахын тулд "177.5 тэрбум төгрөгөөр коксжсон нүүрс БНХАУ-аас авч ирж, туршина” гэж НИТХ-д танилцуулаад, иргэдийн бухимдалтай нүүр тулсан. Зарим иргэн “177.5 тэрбумаар нүүрс туршихын оронд орон сууц барьж, иргэдээ оруул” гэх байр суурийг илэрхийлсэн. Гэвч үүнийг Б.Чойжилсүрэн сайд юман чинээ тоосонгүй, Засгийн газрын хуралдаанд танилцуулав. Тэрбээр,
“Эхний ээлжинд 177 биш, 32.5 тэрбум төгрөгөөр Нисэх, Яармаг чиглэлийн 26 мянган өрхөд туршаад үзье. Хүрээг нь хумьж байна гэсэн үг. Туршилт гэдгийг хүмүүс дандаа мушгиад байна. Энэ бол дандаа сайжруулалт яваад байгаа байхгүй юу. Хэр хэмжээний сайжруулалт гарахыг харах гэж байгаа болохоос хүмүүсийн ярьж байгаа шиг туршилтад оруулж, “харх” болгосон асуудал биш. Үр дүн гарах нь тодорхой болчихсон” хэмээн сэтгүүлчдэд тайлбар өглөө.
Харин агаарын бохирдлын асуудалд хамгийн их анхаарал тавих ёстой БОАЖ-ын сайд Б.Бат-Эрдэнэ энэ саналыг нь дэмжиж буйгаа илэрхийлэв. Тэрбээр,
“Өнгөрсөн намар БНХАУ-д экспортолсон 400 тонн орчим хагас коксыг буцааж авч ирж, лабораторийн шинжилгээнд оруулж, туршсан гэдгээ хэлж байсан. Үүнийг БНСУ, Япон гэх мэт улсууд бүгдээрээ авч ашиглаж байгаа. Манай улсын тухайд өнгөрсөн жил турших байсан ч “НҮҮРСНИЙ ХУЛГАЙ”-н асуудлаас болоод хойшлуулсан. Бидний ирээдүй бол хүссэн ч эс хүссэн ч кокс, газ, хий гэсэн хэлбэрт орно. Харин урт хугацаандаа орон сууцжуулах ёстой” гэлээ.
Ийнхүү Засгийг төлөөлөх хоёр сайд амжилт олсон ч олоогүй ч коксжсон нүүрсээ туршиж үзнэ гэдгээ дуу нэгтэйгээр илэрхийллээ.
Like
0
Зөв
0
1
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
