Токио-2020 олимпийн наадамд Монгол Улсын Үндэсний шигшээ багаас 43 тамирчин 10 төрөлд оролцож, жүдо бөх, чөлөөт бөхийн төрөлд нийтдээ 4 медаль хүртэж төр түмнээ баярлуулж, өргөн нэвтрүүлгийн 13 суваг шууд дамжуулсан нь саяхан.
Гэвч мөнгө нь байсангүй юу? сэтгэл байсангүй юу? Токио-2020 Паралимпийн наадмыг Монголын нэг ч суваг дамжуулсангүй.
Хөгжлийн бэрхшээлтэй тамирчдын оролцдог тус наадамд манай улсын 11 тамирчин буудлага, байт харваа, пауэрлифтинг, таэквондо, жүдо, хөнгөн атлетик гэсэн спортын зургаан төрөлд оролцож байгаа. Олимп л бол олимп баймаар.
Олимп ч гэлтгүй хөгжлийн бэрхшээлтэй иргэдийг ялгаварладаг үзэл Монголд мэр сэр харагддаг. Тэдэнд зориулсан тоотой хэдэн сургуультай, хөгжлийн бэрхшээлтэй хүүхдийн нэрээр хотын А бүсэд газар аван хувийн оффиссын барилгаа барьчихдаг, үйлчилгээний байгууллагууд тэдэнд зориулсан стандарт зам талбайг хийдэггүй гэх мэтчилэн тоочоод байвал дуусахгүй. Нэн тэргүүнд төрийн бодлого нь эдгээр иргэдэд үгүйлэгдэж байна.
Манай улсад 2019 оны байдлаар /2020 он,2021оны судалгаа байхгүй/ 107 мянга гаруй хөгжлийн бэрхшээлтэй иргэн байгаагаас 34.8 мянга нь нийслэл Улаанбаатарт амьдардаг. Тэдний хөдөлмөр эрхлэлт, ажлын байрны талаар яриад ч хэрэггүй биз. Хуулийн дагуу ААН, албан байгууллагууд 25 хүн тутамд нэг хөгжлийн бэрхшээлтэй иргэнийг авч ажиллуулах үүрэгтэй хэдий ч түүнийг биелүүлэх ААН тун ховор. Тэд санхүүгийн хувьд халамжаар, бусдын санхүүгийн бүрэн хараат байдал амьдарч байна.
ТЭД БИДНИЙ Л АДИЛ ХҮН
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
