"АВЛИГА хороолол" буюу "Aqua Garden"-г нураах асуудал олны анхаарлын төвд байсаар буй. Өнгөрсөн пүрэв гараг /2023.08.31/-т Хотын даргын захирамжийг түүнийг орлогч Ж.Сандагсүрэн танилцуулсан. Гэвч тус хорооллыг барьж буй "M&G" констракшн захирамжийг хүлээж аваагүй бөгөөд байр захиалагч иргэд ч хүчтэй ЭСЭРГҮҮЦЭЖ, Хотын даргын орлогч Ж.Сандагсүрэнг золтой л барьж идээгүй.
Энэ үеэр Ж.Сандагсүрэнгийн хувьд сандарч тэвдсэн үү, бүү мэд. "Хохирогчдын хохирлыг Төр хариуцна. Дараа нь буруутай этгээдээр төлүүлнэ" гэчихсэн.
Төр даачихдаг юм байж. Харин буруутай этгээд нөхөн төлөх нь эргэлзээтэй. Шүүх хурал, давж заалдах гээд л "жуман" асуудал хөврөх нь Монголын нөхцөлд тодорхой. Аягүй л бол хэргийг нь хэрэгсэхгүй болгоод, эцэст нь "ТАТВАР ТӨЛӨГЧИД"-ийн мөнгөөр бүрддэг УЛСЫН ТӨСӨВ хохироод үлдэнэ.
Иймдээ ч сайн, муу ч гэсэн Сангийн сайд юм болохоороо Б.Жавхлан цахим хуудсаараа "уурлаад" авсан. Тодруулбал, тэрбээр "Төрийн хариуцлагатай албан тушаалтан ингэж амны зоргоороо ийм мэдэгдэл хийж болдоггүй юм. Тэр тусмаа төсөв, татвар төлөгчдийн мөнгөөр...
Нийслэлийн албан ёсны байр суурь биш гэж үзье. Төсөв батлах онцгой эрх зөвхөн УИХ-д байдаг юм. Төрийн мөнгө гэж байдаггүй, зөвхөн татвар төлөгчдийн мөнгө гэж байдгийг сануулъя. ХОХИРОЛД ТӨСВӨӨС НЭГ МӨНГӨ Ч ГАРАХГҮЙ" хэмээсэн.
Ийнхүү Сандагаа дарга сандрахдаа "ам алдаж" Сангийн тогоо баригчаас нэлээн даацтай "жавтүй" хүртээд авав.
Like
2
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
