Ерөнхий сайд Л.Оюун-Эрдэнэ Засгийн газрын зарим сайд нарын хамтаар орон нутагт ажиллаж буй. Сэлэнгэ аймагт ажиллах үеэр аймгийн иргэд "Малтай иргэдийн мал нь тариалангийн талбай руу орж, сүйтгэж буйн улмаас малчид, тариаланчдын хооронд маргаан үүсэж байна. Иймээс тариалангийн талбайг хашаажуулж өгнө үү" хэмээн хүссэн.
Тэгвэл ХХААХҮ-ийн сайд Х.Болорчулуун "Тариалангийн талбайг хашаалахад ЕСӨН ТЭРБУМ шаардлагатай бөгөөд улсын төсвөөс шийдүүлэхээр ажиллана" гэсэн нь олны дургүйцлийг хүргээд буй.
Шалтгаан нь "Хувийн хэвшлийнхэний ажлыг төр өмнөөс нь хийлээ" гэх. Түүнчлэн, "Машинаар хүн дайрах гэж хөөсөн "Гацуурт"-ын Л.Чинбатыг дэмжих нь" гэх хардлага ч иргэдийн дунд үүссэн.
Тэгвэл ЕСӨН ТЭРБУМ-аар тариалангийн талбай хашаажуулахыг Засгийн газар дэмжсэнгүй. Тодруулбал, Сангийн сайд Б.Жавхлан "УИХ-аар баталсан улсын төсвийн нэг төгрөг бүр журамтай, утга учиртай зарцуулагдана. Тиймээс улсын төсвөөр тариалангийн талбайг хашаажуулахгүй" гэсэн бол ЗГХЭГ-ын дарга Д.Амарбаясгалан "Есөн тэрбумаар хашаа барьж өгнө гэдэг худлаа мэдээлэл. Татвар төлөгчдийн мөнгөөр хувийн ААН-ийн хашааг барьж өгөхгүй" гэх тайлбарыг өчигдөр /2023.09.20/ Засгийн газрын хуралдааны дараа сэтгүүлчдэд өгсөн.
Тэгэхээр Х.Болорчулуун сайдын тухайд, "бантсандаа" тариаланчдад тал засах гэж оролдов уу гэх дүр зураг харагдаж байгаа юм. Учир нь Сэлэнгийн иргэд түүнийг хамгийн "МУУ" сайдаар цоллосон билээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
