Энэ онд нийслэлээс 318 тэрбум төгрөгөөр нийтийн тээврийн парк шинэчлэл хийхээр төлөвлөөд буй. Тэгвэл шинэ автобуснуудыг хууччуул нь хүлээж тэсэхгүй нь бололтой. Тодруулбал,
Өнөө өглөө /2023.09.22/ "Тэнүүн-Огоо" ХХК-ийн автобус шатсан юм. Тухайн автобусны тухайд ажлаа эхлүүлэхээр эцсийн буудал руугаа явж байсан ч гэмтэл гарч, бааз руугаа буцах замдаа ийн шатжээ. 2009 онд үйлдвэрлэгдсэн бөгөөд ашиглалтын 12 жилийн хугацаа нь аль 2021 онд дууссан байв.
"Тэнүүн-Огоо" ХХК-ийн автобуснуудын "дуулиан" ганц энэ биш. Автобус шатсан ч "Тэнүүн-Огоо"-гийнх, автобус осолдсон ч "Тэнүүн-Огоо"-гийнх байдаг. Дараах жишээнүүдийг танилцуулъя.
Жишээ-1:
2018 оны гуравдугаар сард "Зүүнсалаа-МУБИС" чиглэлийн 9-101 дугаартай автобус нь Гэсэр сүмийн ойролцоо дүүрэн зорчигчтой явах үедээ шатсан. Азаар хүний амь нас, эрүүл мэнд хохироогүй.
Жишээ-2:
2022 оны зургадугаар сарын 21-нд БЗД-ийн нутаг дэвсгэр, Сансарын үйлчилгээний төв орчимд мөн л "Тэнүүн огоо" ХХК-ийн 10-061 гараашийн дугаартай "Ганц худаг-Мишээл экспо" чиглэлийн автобус зорчигчтой явах үед шатсан.
Жишээ-3:
2021 оны гуравдугаар сард ЧД-ийн нутаг дэвсгэр, "Мөнгөн завьяа"-ийн автобусны буудал дээр тус компанийн 9-146 гараашийн дугаар бүхий автобус шатав.
Жишээ-4:
Өнөө өглөө буюу 2023 оны есдүгээр сарын 22-ны өглөө 05:30 цагийн орчимд "Таван шар-Сансар" чиглэлийн 9-029 дугаартай автобус нь ажлаа эхлүүлэхээр гараад, эцсийн буудалдаа ч очиж амжилгүй шатав. Тухайн автобус нь 2009 онд үйлдвэрлэгдсэн бөгөөд ашиглалтын хугацаа нь аль 2021 онд дуусжээ.
Дөрөвхөн жишээ дурдахад ийм байна. Өөрөөр хэлбэл, жил бүр А.Ганхуягийн толгойлсон "Тэнүүн-Огоо" ХХК-ийн автобус шатаж, олон хүний амь нас, эрүүл мэндэд эрсдэл учруулж байна.
А.Ганхуяг нь 2021 онд Гавьяат тээвэрчин цол хүртсэн нэгэн. Гэвч гавьяа гэхээсээ илүүтэйгээр янз бүрийн хэрэг төвөгт холбогдож, компанийнх нь автобуснууд жил бүр шатаж байгаа нь тун харамсалтай.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
