Нийслэлийн Засаг дарга бөгөөд Улаанбаатар хотын захирагчийн орлогч З.Төмөртөмөөг ЗГХЭГ-аас шалгаж эхэлсэн талаар бид мэдээлсэн. Тодруулбал,
Хараагүй иргэнтэй харьцахдаа "Нүүр нүүрээ хараад уулзъя. Чи хажуудах хүнээ хараад ярьж чадах уу" хэмээсэн нь олны дургүйцлийг хүргээд буй. Энэ үйлдэл нь Төрийн албан хаагчийн ёс зүйн журмыг НОЦТОЙ зөрчсөн бөгөөд асуудлыг ЗГХЭГ хэлэлцэж байна.
Сүүлийн үеийн мэдээллээр З.Төмөртөмөө нь өөрийн биеэр ЗГХЭГ-т тайлбар өгсөн аж. Харин одоо "Түүнд ямар хариуцлага тооцох бол" гэсэн хүлээлт үүсээд байгаа юм.
Төрийн албан хаагчийн ёс зүйн тухай хуулийн 6 дугаар зүйлийн 6.1.1-т "Хүнлэг энэрэнгүй байх", 7 дугаар зүйлийн 7.1.2-т "Зан харилцаа, үг үйлдлээрээ хүний эрх, эрх чөлөөг хүндэтгэх", 8 дугаар зүйлийн 8.1.3-т "Бусдын бие эрхтний онцлогийг зохисгүй үг, үйлдлээр илэрхийлэхийг цээрлэх, хөгжлийн бэрхшээлтэй хүний өөрийгөө илэрхийлэх үйлдлийг даган дуурайхгүй байх, ёс бус үг, хэллэг хэрэглэхгүй байх" гэж заасныг тус тус зөрчжээ.
Харин хүлээлгэх хариуцлагын тухайд:
Төрийн албан хаагчийн ёс зүйн тухай хуулийн 16 дугаар зүйлийн 16.1.4-т "Төрийн албанаас халах" хэмээн заасан байна.
З.Төмөртөмөөд хуулийн дагуу арга хэмжээ тооцож чадах эсэхийг харах л үлдлээ. Лхагва гарагийн Засгийн газрын хуралдаанаар энэ асуудлыг шийдэж магадгүй.
Like
0
Зөв
0
1
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
