Эрхэм хүндэт ахмад настан, азай буурлууд аа!
Та бүхэндээ Олон улсын ахмадын өдрийн мэндийг хүргэж, Монгол эх орон, нийслэл Улаанбаатар хотынхоо хөгжил дэвшил, ололт амжилтыг түүчээлэн манлайлж, удирдан чиглүүлж, бүтээн босгосон нөр их хөдөлмөр зүтгэл, сэтгэл зүрх, оюун бодол хийгээд үр хүүхдээ өсгөн бойжуулж, сурган хүмүүжүүлсэн үйл хэрэгт тань талархал илэрхийлж, хүндэтгэн мэхийе.
Өдгөө Монгол Улсын нийслэл Улаанбаатар хотод 171 мянган ахмад настан ажиллаж, амьдарч байна. Иймд Та бүхэндээ төрийн үйлчилгээг түргэн шуурхай хүргэх, нийгмийн оролцоогоор тэгш, хүртээмжтэй хангах нь улаанбаатарчууд бид бүгдийн нэгэн сэтгэлт зорилго юм. Иймээс нийслэлийн удирдлагын баг цаашид ахмад настан Та бүхнээ дэмжих, хамтран ажиллах, мэдлэг боловсрол, ур чадварыг тань ирээдүй, хойч үедээ өвлүүлэн үлдээх, мөн чөлөөт цагаа зөв, боловсон өнгөрүүлэх, нийгмийн харилцаанд идэвхтэй оролцох, ажиллаж хөдөлмөрлөх нөхцөлийг тань бүрдүүлэхийг чухалчлан авч үзэж, бодлого, шийдвэртээ тусгах болно. Учир нь Та бүхний мэдлэг, туршлага бидэнд ном эрдэм, үг ерөөл алс замын чиг шугам юм. Иймд ахмад настан Та бүхний хөдөлмөр эрхлэлтийг нэмэгдүүлэх, нийгмийн хөгжил дэвшил, ололт амжилттай хамтдаа урагшлах бидний зорилтыг дэмжиж, хамтран ажиллахыг Та бүхнээсээ чухалчлан хүсье.
Урт насалж, удаан жаргахыг ерөөе.
Нийслэлийн Засаг дарга бөгөөд Улаанбаатар хотын Захирагч
Долгорсүрэнгийн СУМЪЯАБАЗАР
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
