Манай төрийн түшээдүүдийн ухаан нь хүрэхгүй болоод ирэхээр элдэв мөнгөний амлалт өгөх болж. Ковидын хөл хорионы үед иргэн бүрт 300 мянган төгрөг, хоёр тунтай иргэдэд 50 мянган төгрөг гэх мэтчилэн бүх зүйл дээр мөнгө болоод халамжаар амыг нь тагладаг болсон. Үүнийг Соёлын сайд Ч.Номин овжин ашиглаж. Учир нь тэрээр Дотоодын болон гадаадын кино үйлдвэрлэгч студи, телевизийн кино үйлдвэрлэл эрхлэгчдийг Монгол улсыг зорих шалтгаан болохуйц Кино урлагийг дэмжих тухай хуулийг УИХ-аар батлуулжээ. Тус хуулинд:
• Монгол Улсын нутаг дэвсгэрт бүтээгдэж буй кино төсөлд буюу Монгол Улсын нутаг дэвсгэрт кино бүтээх зориулалтаар 500.000 америк долларыг тодорхой шаардлага хангахуйц зориулалтаар зарцуулсан бол зардлын 30 хувийн байршлын урамшуулал (зардлын буцаан олголт) олгоно.
• Байршлын урамшуулал авсан уран бүтээлчийн бүтээсэн кино нь Монголын өвөрмөц соёл, өв уламжлалыг онцлон харуулсан бол 10 хувийн соёлын урамшуулал (зардлын буцаан олголт) олгоно.
• Байршлын урамшуулал авах шаардлага хангасан кино зураг авалтад оролцсон гадаадын жүжигчид болон кино багийн гишүүдэд 5 хувийн урамшуулал (зардлын буцаан олголт) олгоно.
• Байршлын урамшуулал авсан уран бүтээлч эвлүүлэг, дуу, дүрсний найруулгыг Монгол Улсын нутаг дэвсгэрт хийж, олон тооны монгол ажилчдыг ажиллуулсан төслүүдийн эвлүүлэг, дуу, дүрсний найруулгын 30 хувийн урамшуулал (зардлын буцаан олголт) олгоно.
• Монголын соёл, өв уламжлалыг олон улсад эерэгээр сурталчлан таниулсан монгол кино бүтээгчдэд 20 хувийн монгол киноны урамшуулал олгоно.
• Байршлын урамшууллыг дангаар болон соёлын урамшуулал, кино багийн урамшууллыг хамтад нь 30%+10%+5% = 45%-ийн буцаан олголт авах боломжтой гэж заажээ.
Мөнгө амлаж гадаад улсын кино уран бүтээлчдийг татахаас өөр гарц гаргалгаа хайсан бол илүү оноо авах байлаа Соёлын сайдаа?
Ойлгомжгүй зүйл нь гадны кино багийнханд илүү хувь хэмжээтэй олгох, мөн дотоодын кино үйлдвэрлэгчдээ хайхрахгүй зүйл ажиглагдав. Монголын кино урлагийнхны шүдний өвчин нь кино бүтээх санхүүжилт. Энэ тал дээр нь дэмжээд өгөхийн оронд гадныханд хаялага хаяж байгаагийн шалтгааныг нь Соёлын сайд та тайлбарлана уу?
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
