Тээврийн цагдаагийн албанаас “Гарц" хэсэгчилсэн арга хэмжээний хүрээнд Баянзүрх дүүргийн цагдаагийн газрын замын цагдаагийн хэлтээс 2023 оны 09 дүгээр сарын 26-наас өнөөдрийг хүртэл Монгол Улсын замын хөдөлгөөний дүрэм зөрчсөн явган зорчигчдод зам тавьж өгөөгүй 228 жолоочид Зөрчлийн тухай хуулийн 14.7.38 дахь заалтаар шийтгэл оногдуулсан байна.
Явган зорчигчийг зам тээврийн осолд өртөхөөс урьдчилан сэргийлэх зорилгоор “Гарц” хэсэгчилсэн арга хэмжээ зохион байгуулж байгаа. Замын хөдөлгөөний дүрмийн 16 дугаар бүлэг “Явган хүний гарц нэвтрэх”-д жолоочийн баримтлах заалтын хэрэгжилтийг ханган ажиллаж байна.
"Гарц" хэсэгчилсэн арга хэмжээний хүрээнд хүүхдийг зам тээврийн ослоос урьдчилан сэргийлэх чиглэлээр тус дүүргийн нутаг дэвсгэр байрлах ерөнхий боловсролын 10 сургуулийн үйл ажиллагаа, "School Police", сургууль орчмын бүсэд тус дүүргийн цагдаагийн газрын I дүгээр хэлтсийн хүүхдийн асуудал хариуцсан мэргэжилтнүүдтэй хамтарч гэнэтийн үзлэг шалгалтыг зохион байгуулжээ.
Шалгалтаар илэрсэн зөрчлийг арилгах талаар сургуулийн нийгмийн ажилтанд хэлж, "School Police" хийж байгаа эцэг, эх асран хамгаалагч нарын эрх зүйн мэдлэгийг дээшлүүлэх, замын хөдөлгөөний зохиомол түгжрэл үүсгэхгүй байх талаар зөвлөмж өгч, санал солилцож ажиллаа.
Иймд явган зорчигч та явган хүний гарц гармаар зам хөндлөн гарах, үзэгдэх хүрээнд явган хүний гарц гарам байхгүй тохиолдолд ирж яваа тээврийн хэрэгслийг өнгөрүүлэн эгц зам хөндлөн гарах, замын хөдөлгөөнд оролцогч жолооч явган хүний гарц дээр явган зорчигчид зам тавьж өгч байхыг баянзүрх дүүргийн цагдаагийн газрын замын цагдаагийн хэлтсээс анхааруулж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
