СБД-ийн төсвийн хөрөнгө оруулалтын төлөвлөгөөний хэрэгжилтэд дараах зөрчлүүд илэрчээ

Админ

2023-10-09

Төр.мн сайт дүүргүүдийн төсвийн хөрөнгө оруулалтын төлөвлөгөөний хэрэгжилт, үр дүнг аудитын дүгнэлтэд үндэслэн танилцуулж байна.

Сүхбаатар дүүргийн Худалдан авах ажиллагааны албанаас 2021 оны долдугаар сарын 30-ны өдөр СБД-ийн 14 дүгээр хороо, "Өнөр өрх" өрхийн эрүүл мэндийн төв, дүүргийн Ахмадын хорооны цогцолбор байрны засварын ажил хийх нэрийдлээр 62.8 сая төгрөгийн тендер зарлаж байжээ

Тухайн тендерт "Хийц Тауэр" ХХК шалгарсан бөгөөд тухайн компани нь аудитын дүгнэлтээр дараах НОЦТОЙ зөрчлүүдийг гаргажээ. Тухайлбал,

Ерөнхий инженер, ХАБЭА-н инженерийн ажлыг нэг хүн гүйцэтгэхээр томилсон
Тус компанийн хөрөнгийг тодорхойлох банкны тодорхойлолт нь шаардлага хангаагүй байна.

Түүнчлэн, СБД-ийн зургадугаар хороо, 47-р байрны гадна фасад засварын ажлыг гүйцэтгэхээр 2021 оны тавдугаар сард 101.2 сая төгрөгийн тендер зарлаж байжээ. Гүйцэтгэгчээр "Тэнгэрийн модон багана" ХХК шалгарсан байна. Тэгвэл төлөвлөгөөний хэрэгжилтэд ҮАГ-аас хийсэн шалгалтын дүгнэлтээр,

Ажлын талбайн зохион байгуулалтын зураг болон ажлын талбайтай танилцсан дүгнэлт ирүүлээгүй.
Шаардагдсан жилийн НД-7, 8 дугаар маягтыг дутуу ирүүлсэн
Мэргэжилтэй ажилчдын үнэмлэх, иргэний үнэмлэхийн хуулбар ирүүлээгүй
ТББ-ийн 5,6 дугаар бүлэгт заасан гэрээний ерөнхий болон тусгай нөхцлийг зөвшөөрч байгаа эсэх талаар мэдэгдэл ирүүлээгүй гэдгийг аудитын дүгнэлтэд тусгажээ.

Гэвч дүүргийн Засаг дарга Х.Болормаа хяналт тавиагүй өдий хүрчээ.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

СБД-ийн төсвийн хөрөнгө оруулалтын төлөвлөгөөний хэрэгжилтэд дараах зөрчлүүд илэрчээ

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд