Засгийн газрын хуралдаанаар /2021.08.11/ оюутан, сонсогч, цэргийн алба хаагч, ажил хайж буй иргэдийг ургац хураалтад ажиллуулах шийдвэрийг гаргасан.
Тодруулбал, их, дээд сургууль, МСҮТ-ийн оюутан, залуучууд, сонсогч, цэргийн алба хаагчид, ажлын байр хайж буй иргэдийг ургац хураалтад ажиллуулах бөгөөд ингэхдээ хөдөлмөрийн гэрээ байгуулж, өдрийн 50 мянган төгрөг болон түүнээс дээш байх боломжтой байх юм байна.
Энэ жил ургац хураалтын ажлыг ирэх сарын 15-ны өдөр /2021.09.15/ эхлүүлж нийт 470 мянган тонн ургацыг хураана гэсэн тооцоо судалгааг гаргасан байна.
Ургац хураалтын ажилд оролцох хүмүүс бага байгаа улмаас Хөдөлмөр нийгмийн хамгааллын сайд А.Ариунзаяа хүнсний талонд хамрагддаг өрх, гэр бүлийг ургац хураалтын ажилд зуучилж, санал тавина гэдгээ мэдэгдлээ.
Эдгээр иргэд ажлын саналаас татгалзвал хүнсний талонаас хасна гэдгийг сайд онцоллоо.
Харин ургац хураалтад оролцох хүсэлтэй оюутан, залуус болон бусад хүмүүсийг Монголын Залуучуудын холбооны дэргэдэх Хөдөлмөрийн төв биржээр бүртгэж байгаа юм байна. Энэ арга хэмжээнд баг, хамт олноороо сайн ажилласан шилдэг залуусыг тодруулж шагнана. Тухайлбал, нэгдүгээр байранд шалгарсан залуусын нэг жилийн төлбөрийг 100 хувь, хоёрдугаар байр эзэлсэн залуучуудын 80 хувь, гуравдугаар байранд орсон оюутнуудыг 50 хувиар тус тус чөлөөлөхөөр болжээ.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
