Хөгжлийн бэрхшээлтэй иргэдийн эрхийг хамгаалах чиглэлээр үйл ажиллагаа явуулж байгаа төрийн бус байгууллагуудаас өнгөрсөн сарын 29-ний өдөр "Төрийн гурван өндөрлөг"-т хандаж, хөгжлийн бэрхшээлтэй иргэдийн амьдралд тулгамдаж буй асуудлуудад шийдэл санал болгож шаардлага хүргүүлсэн билээ.
Уг шаардлагын хариуг аравдугаар сарын 10-ны дотор авахаар тусгасан боловч эрх баригчдын зүгээс заасан хугацаанд хариу ирүүлээгүй тул маргааш /2023.10.12/ 13:00 цагт Төрийн ордны баруун хаалганы дэргэд "Монгол Улсын Засгийн газарт шаардлага хүргүүлэх эсэргүүцлийн хэвтээ жагсаал" цуглаан зохион байгуулахаар боллоо.
"Олон жил хөгжлийн бэрхшээлтэй иргэдэд тулгамдаж байгаа асуудлуудад шийдэл санал болгож, эрхийг хангуулахын төлөө тэмцэж яваа ч өнөөдрийг хүртэл асуудлуудыг шийдэхгүй, сонсохгүй сууриар нь өөрчлөх боломж байсаар атал үл хайхарч ирлээ. Монгол Улсын Засгийн газрыг огцрох хүртэл энэхүү тэмцлийн үйл ажиллагааг үргэлжлүүлэх болно" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
