Өнөөдрөөс сарын өмнө /2023.09.13/ Засгийн газрын хуралдааны дараа ХХААХҮ-ийн сайд Х.Болорчулуун "Энэ жил түүхэн дээд хэмжээнд ургац хурааж авах баланс гарсан. Өөрсдөө хэрэглээд, цаана нь илүү гарна" хэмээж байв. Тэгвэл сарын дараа байдал эсрэгээрээ эргэжээ. Тодруулбал,
Бороо орсон бөгөөд цаг агаарын үзэгдлээс болж, ургац хураалтын ажил 20 гаруй хоногоор хойшилжээ. Х.Болорчулуун сайд өөрөө ч хэллээ. Тэрбээр "Тариаланчдын хувьд хатуу намар болж байна. Өдийд ургац хураалт 50-60 хувьтай үргэлжилдэг ч энэ жил есхөн хувьтай байгаа" гэв.
Түүнчлэн, хүний нөөцийн асуудал ч хөндөгдөж байна. Ургац хураалтад дайчилж байсан оюутан, цэргийн алба хаагчдын хугацаа дуусаж байгаа учраас тэдгээрийн ажиллах хугацааг сунгах гэнэ.
Юу гэж дээ, Х.Болорчулуун сайд аа. Оюутнууд ардаа хийх өчнөөн хичээл, номтой. Цэргүүд албанаасаа "халагдах" цаг боллоо. Монгол Улсад анх удаа "ХАТУУ НАМАР" болоогүй ээ. Бодлого тодорхойлох бүхэл бүтэн яаманд эрсдэлээс сэргийлж, ургац хураалтад бэлтгэх хугацаа, боломж бололцоо бүрэн байлаа.
Гэвч салбарын сайд нь "үхрийн ээмэг"-нд зүтгэсээр байгаад хугацаа алдсан нь энэ аж. Ямартаа л Сэлэнгэ аймгийн нэгэн иргэн "Х.Болорчулуун сайд аа, та хамгийн муу сайд" гэж цоллох вэ дээ...
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
