Хотын даргад нэр дэвшүүлсэн Х.Нямбаатарыг өчигдөр НИТХ-ын хуралдаанаар хэлэлцэж, төлөөлөгчдийн 78.57 хувийн саналаар дэмжсэн. Улмаар орой 18:30 цагийн орчимд Ерөнхий сайд Л.Оюун-Эрдэнэ батламжилт, тамгыг нь гардууллаа. Харин түүнийг УИХ-ын гишүүнээс нь чөлөөлөх асуудлыг чуулганы хуралдаанаар хэлэлцэв. Энэ үеэр ангийн нөхөд нь дараах үгсийг хэлж байв. Тухайлбал,
УИХ-ын гишүүн Х.Ганхуяг: Болдог бол Х.Нямбаатарыг авч үлдмээр л байна
-Х.Нямбаатар сайддаа амжилт хүсье. Уг нь санал хураадаг бол эсрэг өгч, явуулмааргүй л байна. Яалт ч үгүй хотын ажлын үр дүнгээс хамаарч, бидний ажлын үр дүн хамаардаг учраас ажилд нь амжилт хүсье. Нийслэлд утаа, түгжрэл, авлига, стандарт гээд олон асуудлыг шийдэх ёстой. Шинэ хотхонуудад бий болсон сургууль, цэцэрлэгийн асуудлууд ч бий. Эдгээрийг Х.Нямбаатар шийдчих байх аа, дахин амжилт хүсье.
УИХ-ын гишүүн Б.Энхбаяр: 10 жилийн өмнөх болон өнөөдрийн СХД шал өөр болсон
-Өнөөдрийн СХД, 10 жилийн өмнөх СХД шал өөр болсон. Өмнө нь хотын захын "хаягдсан" дүүрэг мэт л байлаа. Харин өнөөдөр бараг миний сонгогдсон Баянзүрх дүүргээс илүү сургууль, цэцэрлэг, дэд бүтцийн асуудлаа шийдсэн, хотын төвийн хэмжээний дүүрэг болсон байна. Тэгэхээр Х.Нямбаатар өмнө нь СХД-ийн 200 мянга гаруй иргэнийг төлөөлж байсан бол 1.7 сая хүнтэй нийслэлийг төлөөлөхөөр болж байна. Цаашдын ажилд нь амжилт хүсье. Шинэ Хотын даргаа сайн дэмжээсэй гэж хүсмээр байна.
Like
0
Зөв
1
0
Буруу
0
Воов
1
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
