Цахим орчинд "УИХ-ын дарга Г.Занданшатар, УИХ дахь МАН-ын бүлгийн дарга Д.Тогтохсүрэн нар чуулганы танхимд ирээгүй гишүүдийн суудлыг дүүрэн харагдуулах талаар ярьж байна" гэх утга бүхий бичлэг цацагдсан. Энэ талаар МАН-ын бүлгийн дарга Д.Тогтохсүрэн тайлбар хийлээ. Тэрбээр,
"Өнөөдөр чуулганы ирц хангалттай буюу 49 гишүүн ирцээ бүртгүүлсэн байна. Түүнчлэн, гишүүд дахин давтагдашгүй хурууны хээ зэргээр ирцээ бүртгүүлж байгаа учраас ирээгүй гишүүний өмнөөс ирц бүртгүүлэх боломжгүй. Гэвч цахим орчинд ирц нь хүрэхгүй байгаа учраас өөр аргаар ирц бүрдүүлэх гэж байна гэх утгаар мэдээлэл цацаж байна. Тийм зүйл огт байхгүй. УИХ-ын дарга бид хоёр суудал хуваарилалтын талаар л ярьсан. Өнөөдрийн байдлаар нийт дөрвөн гишүүн чөлөөлөгдсөн болон түдгэлзсэн байгаа. Тэдгээр суудлуудад хэнийг шилжүүлж суулгах талаар ярилцсан" хэмээлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
