"COVID-19" цар тахлын үед Засгийн газраас авч хэрэгжүүлсэн төлөвлөгөө, төсөл хөтөлбөрүүдийн санхүүгийн зарцуулалт, гадаадын орнуудаас авсан зээл, тусламж, иргэн, аж ахуйн нэгжүүдийн хандив, тусламж болон тэдгээрийн орлого, зарлагыг нийтэд ил болгох тухай сонсголыг энэ сарын 23-24-нд зохион байгуулахаар товлосон.
Гэвч албаны эх сурвалжуудын ирүүлсэн мэдээлэл хангалтгүй, шинжээч томилохгүй байгаа зэргээс шалтгаалж, уг товыг хойшлуулах саналыг сонсгол зохион байгуулах ажлын хэсэгт багтаж буй УИХ-ын гишүүн О.Цогтгэрэл гаргасан. Тэгвэл өнөөдөр /2023.10.23/ 10:00 цагт сонсгол эхэлж байна.
Өнгөрсөн мягмар гарагт УИХ дахь АН-ын бүлгийн дарга О.Цогтгэрэл "18 сайд, Монголбанкны ерөнхийлөгч, Хүний Эрхийн Үндэсний Комисс зэрэг 18 байгууллага руу 23 албан бичиг явуулж, "COVID-19" цар тахлын үетэй холбоотой материал хүссэн. Материалаа хүлээж аваад дэд ажлын хэсэг боловсруулснаар, УИХ-ын чуулган эхлэхэд шинжээчээ томилуулж, сонсгол болох ёстой байв. Гэтэл ирүүлсэн нь дутуу байгаагаас дахин материал хүсэж бичиг явуулсан. Зарим сайд руу гурван удаа бичиг явууллаа. Бидний хүсэж байсан шиг материал ирэхгүй байна" гэх тайлбарыг өгч байсан юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
