Хүчтэй бас уянгалаг. Чадвартай бас мэдрэмжтэй. Монголын сонгодог урлаг, тэр дундаа дуурийн урлагт тод өнгө төрх, хэмнэлийг бий болгож хүчтэй хоолой, хөг аялгуугаараа эрэмбэлэгддэг Нюанс хамтлагийн дуучин Д.Дүйнхэржав уран бүтээлийн бие даасан тоглолтоо хийхээр бэлтгэл ажилдаа оржээ.
20 гаруй жилийн түүхтэй Нюанс хамтлагийн тод өнгө нь байж ирсэн тэрбээр шинэ уран бүтээлийг жил дараалан гаргаж, Эх орон, элгэн садан, хайр дурлалыг магтан дуулж, дэлхийн сонгодгуудаар урын сангаа арвижуулж явна.
Дуучин Д.Дүйнхэржав бие даасан Duinkherjav SoLo Concert-тоо 11-р сарын 11-нд Соёлын төв өргөөнд зохион байгуулах бөгөөд сонгодог урлагийн үзэсгэлэнт бүсгүйчүүд болох МУГЖ Ө.Уянга, СТА Д.Отгонжаргал нар хамтран дуулж, ая дуугаа өргөх юм.
Морин хуурын чуулга, Анир поп оркестр оролцохоос гадна Нюанс хамтлагийн уянгалаг сайхан дуунууд эгшиглэнэ.
Билетийг Cоёлын төв Өргөөний касс болон ticket.mn сайтаар захиалан авах боломжтой.
Хослолоороо гоёж, хоолойгоороо гайхуулж яваа дуучин Д.Дүйнхэржавт уран бүтээлийн өндөр амжилт хүсье.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
