Олон улсын "Аравт" морин цэргийн уралдаан Оросын Холбооны Улсын Тува Улсын нийслэл Кызыл хотноо амжилттай зохион байгуулагдаж өндөрлөлөө. Тэмцээнд Оросын Холбооны Улс, Монгол, Казахстан, Узбекстан зэрэг улсын баг тамирчид оролцсон бөгөөд Монгол Улсын Зэвсэгт хүчний баг тамирчид өрсөлдөгчдөөсөө ур чадварын хувьд илүү байжээ.
Тэмцээний нэгдсэн дүнгээр тэргүүн байрт Оросын Холбооны Улс, дэд байрт Монгол Улс, Узбекстан Улс, гуравдугаар байрт Казахстан Улсын морьт тасгууд шалгарсан байна.
"Аравт” олон улсын морин цэргийн уралдааны нэг төрөл болох морь хөтлөгчдийн тэмцээнд Монгол Улсын багийн тамирчин, ахлагч М.Ням, дэд ахлагч Г.Билгүүн нар хамгийн богино хугацаанд морио хөтөлж түрүүлснээр цомын эзэд боллоо. Монгол Улсын Зэвсэгт хүчний багийн ахлагчаар ЗХЖШ-ын Ажиллагааны удирдлагын газрын дарга, бригадын генерал С.Дашзэвэг, дасгалжуулагчаар ЗХЖШ-ын Сургалтын бодлого, зохицуулалтын хэлтсийн Биеийн тамир, спортын тасгийн дарга, гавьяат дасгалжуулагч, хурандаа Д.Цог-Эрдэнэ нар ажилласан бөгөөд Зэвсэгт хүчний 013, 084, 123, 124, 327, 330, 350 дугаар ангиас 16 тамирчин цэргийн алба хаагч оролцсон юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
