“Тавантолгой түлш” ХХК-ийн гүйцэтгэх захирал Ц.Даваацэрэнг эрх мэдэл, албан тушаалын байдлаа урвуулан ашиглаж, бусдад давуу байдал олгож, их хэмжээний авлига авсан байж болзошгүй үндэслэлээр шалгаж байгаа. Түүний хэргийн мөрдөн шалгах ажиллагаа ямар шатандаа явж байгаа АТГ-аас тодрууллаа.
АТГ-ын Мөрдөн шалгах хэлтсийн албаны дарга, ахлах комиссар Б.Батбилэг “Уг хэргийн талаар мөрдөн шалгах ажиллагаа явагдаж байгаа, дэлгэрэнгүй мэдээлэл өгөх боломжгүй” гэлээ.
Хэргийг сануулвал, “Тавантолгой түлш” ХХК-ийн гүйцэтгэх захирал Ц.Даваацэрэн болон тус компанийн ерөнхий нягтлан бодогч н.Билэгдэмбэрэл нарыг хууль хяналтын байгууллагаас шалгаж, АТГ-ын мөрдөгчид Ц.Даваацэрэнгийн гэр болон албан өрөөнд нэгжлэг хийж, санхүүгийн бичиг баримтыг лацдаж, бэлэн мөнгийг эд мөрийн баримтаар хураан авсан байдаг.
Мөн Ц.Даваацэрэн нь “Эрдэнэт” үйлдвэрийн захирлаар ажиллаж байхдаа эрх мэдэл, албан тушаалаа урвуулан ашиглаж, онц их хэмжээний хохирол учруулсан хэргээр АТГ-ын Мөрдөн шалгах хэлтсээс шалгаж байсан. Мөн түүнийг 2019 оны есдүгээр сард хойшлуулшгүй ажиллагаа явуулж, баривчилж байсан юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
