Хичээлийн шинэ жил эхлэхэд ердөө хоёрхон хоног үлдсэн байна. Энэ цаг үетэй холбогдуулан Баянзүрх дүүргийн Засаг дарга Н.Баярмөнх дүүргийн харьяа төрийн болон төрийн бус өмчийн сургууль, цэцэрлэгийн удирдлагуудыг хүлээн авч “Хариуцлагын гэрээ”–г байгууллаа.
Хариуцлагын гэрээнд танхимаар хичээллэж буй суралцагчид Коронавирус халдварт өвчнөөс урьдчилан сэргийлэх, халдвар хамгааллын дэглэмийг сурагчид мөрдүүлэх, хичээл сургалтын үйл ажиллагааг хэвийн явагдах нөхцөлийг бүрдүүлэхийг зорилго болгожээ.
.jpg)
Цар тахлаас үүдэн боловсролын салбар хоцрогдолд орсон үед Боловсрол, Шинжлэх яам, Эрүүл мэндийн яамны удирдамжаар БЗД-ийн сургууль, цэцэрлэгийн үйл ажиллагааг тасалдуулахгүй хичээлүүллэхийг эрхэм зорилго болгон ажиллаж байна. Өнөөдрийн байдлаар тус дүүрэгт үйл ажиллагаа явуулж буй улсын сургууль 35, хувийн хэвшлийн 51 сургууль байна. Харин 3-5 настай хүүхдийг хүлээн авах улсын цэцэрлэг 51, хувийн хэвшлийн цэцэрлэгүүд тус дүүрэгт үйл ажиллагаа явуулж байна.
.jpg)
Тус уулзалтын үеэр Баянзүрх дүүргийн Засаг дарга Н.Баярмөнх: "Ковид-19 нөхцөл байдлын үед халдвар гарсан үед анги танхим болон суралцагч ямар арга хэмжээ авах, ямар нөөц төлөвлөгөө байх, дүүрэг, нийслэл, улсын Онцгой комисстой хэрхэн хамтарч ажиллах талаар мэдээллийг сургууль цэцэрлэгийн удирдлагуудад өглөө. Мөн сургууль цэцэрлэгийн танхимд нэг хүүхэд өвчлөхөд тухайн хүүхдийг яаж нийгэмшүүлэх болон цаг үедээ тохируулсан хичээл сургуулийн үйл ажиллагааг хэрхэн явуулах талаар гурвалсан гэрээнд нарийвчлан тодорхой тусгасан. Мөн Коронавирусийн тархалт өндөр буй цагт хүүхдүүдийн аюулгүй анги танхимд сурч боловсрох орчныг бүрдүүлэх, Коронавируст халдварын цар тахлаас хэрхэн урьдчилан сэргийлэх, халдвар хамгааллын дэглэмийг мөрдүүлэх, хичээл сургалтын үйл ажиллагааг хэвийн явуулах нөхцөлийг бүрдүүлэхэд тус гурвалсан гэрээний зорилго оршиж байгаа юм” хэмээн уулзалтын үеэр онцолсон юм.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
