УИХ-ын сонгууль хаяанд ирж, улстөрийн намууд иргэдээс оноо авах гэж төрөл бүрээр л ПОПОРЧ байна.
УИХ-ын дарга Г.Занданшатар "НӨАТ-ын буцаан олголтын ХОЁР хувийг ТАВАН хувь болгоно" гэж "D-Parliament" платформоор 100 мянга давсан хүний санал цуглуулсан. Улмаар удахгүй УИХ-аар хэлэлцэнэ. Харин улсын сан хөмрөгийг хариуцагч Сангийн сайд Б.Жавхлан, Эдийн засаг, хөгжлийн сайд Ч.Хүрэлбаатар нар ЭСЭРГҮҮЦСЭН.
Тэгвэл өчигдөр /2023.11.01/ нэгэн хачирхалтай үйл явдал болсон нь Чингэлтэй дүүргийн АН-ынхан Төрийн ордны баруун хаалга, Хэлмэгдэгсдийн хөшөөний дэргэд эсэргүүцлээ илэрхийлсэн.
Уг нь гол зорилго нь Түгжрэлийн ЭКС сайд, ЧД-ээс сонгогдсон УИХ-ын гишүүн Ж.Сүхбаатарт "ХАРИУЦЛАГА ТООЦОХ"-ыг шаардах байсан юм. Тэгвэл зорилгоосоо хадуурч, "Иргэдийн амьжиргаа хүнд байна" гээд Ард Аюушийг дуурайж, иргэдийн "ӨРИЙН ДЭВТЭР"-ийг шатааж буйгаа ТУНХАГЛАВ.
Иргэд үүнд эгдүүцэж, "Бидний өрийн дэвтрийг шатаасан юм чинь дахиад зээл авахад асуудалгүй биз дээ" хэмээн цахим орчинд пост хөвөрч байна.
Ээ дээ, АН-ынхан 15 дэд даргатай болсон ч өнөөдрийг хүртэл учраа олохгүй МАНАРЧ явна. Мангуурч явах хооронд нь сонгууль хаяанд ирсэн, хаалга тогшиж байна. Гэвч тэд "Бид 2024 оны сонгуульд ялна гэдэгтээ итгэлтэй байна" хэмээн онгирцгоож яваа...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
