Энэ өдрүүдэд УИХ, Төсвийн байнгын хороогоор 2024 оны улсын төсвийг хэлэлцэж байна. Ирэх оны төсөв сонгуулийн жилийнх гэдэг утгаараа өмнөх жилүүдээс мэдэгдэхүйц нэмэгдсэн гэж байгаа. Дор хаяж таван их наядаар тэлсэн. Сангийн яамны мэдээллээр Монгол Улс 25.3 их наядыг олж, 27.2 их наяд төгрөг зарцуулах тооцоолол гарсан байна. Өөрөөр хэлбэл, хоёр их наяд гаруй төгрөгийн алдагдалтай төсөв гэсэн үг.
Төсөв яригдаж буй энэ үед УИХ-ын дарга Г.Занданшатар НӨАТ-ын урамшууллын хоёр хувийг тав болгож нэмэх санал гаргаж, үүнийг нь 100 мянга давсан иргэд дэмжсэн. Улмаар УИХ-аар хэлэлцэж шийдэхээр болсон билээ. Харин үүнийг Сангийн сайд Б.Жавхлан, Эдийн засаг, хөгжлийн сайд Ч.Хүрэлбаатар нар эрс эсэргүүцэж, "Төсөв дээр ачаа нэмэгдэнэ, боломжгүй" гэх байр суурийг илэрхийлээд буй.
Үүнээс гадна ахмад настнуудыг баярлуулсан гэмээр нэг мэдээ нь тэтгэвэр нэмэх юм. Уг нь ирэх оны дөрөвдүгээр сараас тэтгэврийг 10 хувиар нэмнэ гэж байв. Тэгвэл өнгөрсөн даваа гаргийн МАН-ын бүлгийн хуралд Ерөнхий сайд Л.Оюун-Эрдэнэ тэтгэврийг 10 хувиар биш, 100 мянган төгрөгөөр нэмэх санал оруулсан гэдгийг Бүлгийн дарга Д.Тогтохсүрэн мэдээлсэн.
МАН-ынхан сайндаа ч биш, сонгуулийн бэлтгэлээ базааж оноо цуглуулж буй хэрэг болов уу. Гол ачааг үүрч буй хөдөлмөрийн насны иргэд, ААН-үүдээ дэмжих болохоор "Төсөв байхгүй, мөнгө хүрэхгүй" гээд татганадаг атлаа өнөөх ахмадуудыг "БОГДЫН БООРЦОГ" шиг хэдэн цаасаар ПАНААЛДААД сурчихсан. Мань эмээ, өвөө нар ч "Ардын намдаа л санал өгнө. Мундаг шүү" гээд хошгирдог нь уламжлал болсон.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
