Цас орж, хүйтний эрч чангарснаас хойш автозамын түгжрэл, нийтийн тээврийн ачаалал эрс ихэссэн. Үүнтэй холбоотой цаг үеийн асуудлаар Улаанбаатар хотын автозамын түгжрэлийг бууруулах үндэсний хорооны дарга Б.Дэлгэрсайханаас байр суурийг нь тодрууллаа.
-Нийслэлд автозамын түгжрэл хэвийн хэмжээнээс эрс ихсээд байна. Ойрын хугацаанд ямар гарц шийдэл байна вэ?
-Эхлээд том зургаар нь хотын хуулиа УИХ-ын гишүүдийн санаа оноог оруулж, батална. Автобусаа оруулж ирээд, цааш явна даа. Мөн метро барина, би өмнө нь ч хэлж байсан.
-Метро ч худлаа байх. Он дуусахад сар гаруй хугацаа үлдлээ, автобус орж ирж амжих уу, Ер нь та анх ажлаа авахдаа "Хайруулын тавган дээр суучихлаа" гэж байсан. Хайруулын таваг ямар байх шиг байна?
-Автобусаа оруулж ирж амжилгүй яах вэ. Ажил авах үед байгаа байдлыг л хэлж байснаас өөр зүйлгүй.
-Иргэд хуулиас гадна өөр шинэ зохицуулалт хүсээд байна л даа?
-Нэгдүгээрт, автобусаа авч ирэх ёстой. Хоёрдугаарт, автобусандаа сууж сурах ёстой. Ер нь иргэд хувийн машинаасаа буух хэрэгтэй. Хотоос тодорхой хэмжээний зохицуулалтууд хийж байгаа шүү дээ.
-Та Нийтийн тээврийн газартай хэр холбоотой ажиллаж байгаа вэ, НТГ-аас богино эргэлтийн шугам гаргасан ч төдийлөн үр дүн гарахгүй байх шиг байна?
-Нийтийн тээврийн шугамыг бүгдийг нь өөрчилнө. Нийслэлтэй ч ярьж байгаа. Өөрөөр хэлбэл, олон чиглэлийн автобус давхцаад байгааг болиулна гэсэн үг. Чиглэл чиглэлдээ тусдаа явахгүй бол нэг автобусны буудал дээр олноор бөөгнөрөөд, автобус өөрөө түгжрэл үүсгээд байна. Тэгэхээр үүнийг зохицуулах хэрэгтэй байна.
-Иргэд автобусанд сууж сурах ёстой гэж байна. Энэ тал дээр ямар ажил хэрэгжүүлэх вэ?
-Ингэхийн тулд зар сурталчилгаа гэх мэт зүйлээр хийнэ. Аль ч улсад эдийн засгийн механизм үйлчилдэг.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
