“Тавантолгой түлш” ХХК-ийн гүйцэтгэх захирал Ц.Даваацэрэн тус компанийн ерөнхий нягтлан бодогч н.Билэгдэмбэрэл нарыг хууль хяналтын байгууллагаас шалгаж, АТГ-ын мөрдөгчид Ц.Даваацэрэнгийн гэр болон албан өрөөнд нэгжлэг хийж, санхүүгийн бичиг баримтыг лацдаж, бэлэн мөнгийг эд мөрийн баримтаар хураан авсан байдаг.
Түүнийг эрх мэдэл, албан тушаалын байдлаа урвуулан ашиглаж, бусдад давуу байдал олгож, их хэмжээний авлига авсан байж болзошгүй үндэслэлээр шалгаж байгаа.
Ц.Даваацэрэн нь зүүн бүсийн сайжруулсан шахмал түлшний үйлдвэрийн бүтээн байгуулалтын хүрээнд баригдах төмөр замын ажлыг гүйцэтгэхдээ бусдад давуу байдал олгосон. Тодруулбал, тус замын ажлыг гүйцэтгэх тендер зарлахгүйгээр, гэрээ байгуулахгүйгээр бусдад их хэмжээний мөнгө шилжүүлэх даалгавар өгсөн байж болзошгүй, өөрийн хамаарал бүхий компанид давуу байдал олгож, гэрээ хийхгүйгээр таван тэрбум төгрөг өгсөн гэх үндэслэлээр шалгасан.
Энэ бол түүний Эрүүгийн гэмт хэрэгт холбогдон шалгагдсан хоёр дахь ҮЙЛДЭЛ. Ц.Даваацэрэн нь “Эрдэнэт” үйлдвэрийн захирлаар ажиллаж байхдаа мөн Эрүүгийн гэмт хэрэгт холбогдон шалгагдсан нэгэн. Ц.Даваацэрэнг “Эрдэнэт үйлдвэр”-ийн захирлаар ажиллаж байхдаа эрх мэдэл, албан тушаалаа урвуулан ашиглаж, онц их хэмжээний хохирол учруулсан хэргээр АТГ-ын Мөрдөн шалгах хэлтсээс шалгаж байсан. Мөн түүнийг 2019 оны есдүгээр сард хойшлуулшгүй ажиллагаа явуулж, баривчилж байсан юм.
Хоёр ч өндөр албан тушаал хашсан тэрбээр хаа ч явсан газраа ГЭМТ ХЭРЭГТ холбогдож эрх мэдэл, албан тушаалын байдлаа урвуулан ашиглах үйлдэл гаргасан нь энэ.
АТГ-ын Мөрдөн шалгах хэлтсийн албаны дарга, ахлах комиссар Б.Батбилэг “Уг хэргийн талаар мөрдөн шалгах ажиллагаа явагдаж байгаа" гэж мэдээллэв.
Монгол Улсын Ерөнхий сайд Л.Оюун-Эрдэнэ та “ГЭМТ ХЭРЭГ”-т холбогдон шалгагдаж байгаа “Тавантолгой түлш” ХХК-ийн гүйцэтгэх захирал Ц.Даваацэрэнд ХАРИУЦЛАГА ТООЦ УУ?
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
