Зүрхэндээ нааж, алгандаа энхрийлж өсгөсөн эрүүл саруул хөвгүүд цэрэгт яваад амиа алддаг тохиолдол сар бүр, улирал бүр гарах боллоо. Эсвэл тэр цэрэг өөрөө амиа хорлосон бодлог, эс бөгөөд унтаад сэрээгүй болж таарна, үгүй бол хууч өвчин нь цэрэгт очсоны дараа сэдрээд нас бардаг гэх тайлбарыг цэргийнхэн хийж, өөрсдийнхөө арьсыг хамгаалсаар ирсэн.
Өнгөрсөн хугацаанд цэрэг эрс амиа алдсан олон тохиолдолд Батлан хамгаалахын салбарыг удирдаж буй хэн ч хариуцлага хүлээж байгаагүй. Харин ч өөрсдийгөө өмөөрөх мэтээр тайлбар хэлээд зогсож байдаг жишээг Батлан хамгаалахын сайд Г.Сайханбаяраас харж болно.
Г.Сайханбаяр эрх баригч намын №1-ийн ойрын хүн гэгддэг. Тийм ч учраас Засгийн газрын сайд нар хөдөлж, огцрох нь огцорч байхад Г.Сайханбаярын суудал огт яригддаггүй. Баттай найдвартай артай гэсэн үг.
Гэвч хүний аминаас илүү эрх мэдэл, хүний аминаас илүү "ар тал" гэж үгүй. Г.Сайханбаяр Батлан хамгаалахын сайдаар ажилласнаас хойш хугацаанд 10 гаруй цэрэг амиа алдсан байдаг. Үнэндээ Зэвсэгт хүчинд нүүрлэсэн дарамт, шахалт, бие биеэ дээрэлхсэн байдал, чанга хатуу шийтгэл, дүрмийн бус харилцаа Аавын хүү, ээжийн хөвгүүдийн аминд хүрсээр байна.
Төр.мн
Like
0
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
