Нүүрсний хэрэгт холбогдон шалгагдаж буй УИХ-ын гишүүн Б.Энх-Амгалангаас АТГ-т мэдүүлэг өгсөн асуудлаар тодрууллаа. Түүнийг дээрх хэрэгт холбогдуулан яллагдагчаар татаад байгаа юм.
-Та нүүрсний хэрэгт холбогдон шалгагдаж байгаа. Танд УИХ-ын гишүүний бүрэн эрхээсээ түдгэлзээд шалгуулах улс төрийн эр зориг байна уу?
-Би гишүүний бүрэн эрхээсээ түдгэлзэх шаардлага байхгүй. Хууль зөрчөөгүй, худлаа яриагүй, худал мэдүүлээгүй. Гэм буруугүй гэдгээ нотлох баримтыг өгч байгаа.
-Та АТГ-т хэдэн удаа очиж мэдүүлэг өгсөн бэ?
-АТГ-д 2-3 удаа очиж тайлбар, мэдүүлэг өгсөн. Дуудсан цагт нь очиж тайлбар мэдүүлэг өгөөд явж байна.
-Таныг сайд байхад Тавантолгой, Гашуун сухайт чиглэлийн төмөр замын бүтээн байгуулалтын ажлууд явсан. Одоо Аудитын дүгнэлтээр бүтээн байгуулалт үр ашиггүй гэсэн дүгнэлт гаржээ?
-Аудитын дүгнэлт нэгэнт гарсан бол хуулийн байгууллага шалгах байх. Энэ бол хувийн компани л барьсан асуудал. Магадгүй гэрээ нууц байсан байж болох юм. Энэ асуудлаар хяналт шалгалтын төв хороо шалгахаар өнөөдөр үүрэг авч байна. Асуудлууд нүүрсний төв хорооны хурал болох үед тодорхой болох байх гэж бодож байна.
Төр.мн
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
