PUBG тоглоомын Дэлхийн Аварга Шалгаруулах Тэмцээн (ДАШТ)-ий лигийн шатны тоглолтууд Малайз улсад болж байна. Манай улсын "IHC esports" баг "Last chance" шатанд өрсөлдөж 85 оноотойгоор дөрөвдүгээр байрт бичигдсэнээр дэлхийн аваргын "Grand final"-д тоглох эрхээ авлаа. Өмнөх 11 тоглолтын байдлаар "IHC esports" баг дэлхийн аваргын төлөөх байрнаас 11 оноогоор дутуу байсан ч эцсийн мөчид амжилттай тоглосноор 13 “kill”-тэйгээр winner winner chicken dinner"-ийг авч нийт 23 оноо авсан юм. "IHC esports" багийн тоглогч "Demo" буюу Б.Батбагана нийт 22 kill хийснээр бусад багийн тоглогчдыг тэргүүлэв.
Ингэснээр PUBG тоглоомын энэ жилийн ДАШТ-ий "Grand final"-д манай улсаас "4Merical vibes", "Stalwart esports" "IHC esports" гэсэн гурван баг оролцохоор боллоо. PUBG тоглоом сонирхогчид дунд хамгийн олон дэмжигчидтэй баг яах аргагүй "IHC esports" билээ. Энэ жил тус баг 4 дэх жилдээ ДАШТ оролцож байгаа. Анх дэлхийн аварга шалгаруулах тэмцээнээс эх орондоо хүрэл медаль авчирч байсан баг юм.
Бэлтгэсэн: Т.Сарантуяа
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
