Соёлын яамнаас энэ онд “Хос бичигтэн яам” арга хэмжээг хэрэгжүүлж буй бөгөөд нээлтээ “Эх хэлний өдөр”-ийг тохиолдуулан өнөөдөр тэмдэглэж байна.
Арга хэмжээний хүрээнд “Өглөөний гудамжинд” “UB art” төслийн уран бүтээлчид уран бичлэгийн үзүүлбэр, “Огторгуйн биелгээ” болон Үндэсний брэнд хувцасны загварын үзүүлбэрүүдийг толилууллаа.
Тус арга хэмжээний хүрээнд Соёлын яам албан хаагчдынхаа үндэсний бичгийн чадварыг нэмэгдүүлж албан хаагч бүр “Хос бичигтэн” болохоор тусгай боловсруулсан хөтөлбөрийн дагуу сургалтаа эхэлж байгаагийн зэрэгцээ харьяа байгууллагуудынхаа хаягжилтийг нэгдсэн стандартаар монгол бичгээр бичих ажлыг эхлүүлээд байна.
Эдгээр нь “Алсын хараа-2050”-ын зорилтын “Үндэсний нэгдмэл үнэт зүйлийг бэхжүүлэх үүргийн хүрээнд, иргэдийн монгол хэл, бичгийн түвшнийг жигд дээшлүүлэх, төрийн албан хаагчид үндэсний бичгээ бүрэн хэрэглэж сурах орчин бүрдүүлэх, сурах нөхцөл бололцоог хүн бүрд тэгш хүртээж иргэдийн эх хэл, бичиг үсэг, түүх соёлын мэдлэгийг гүнзгийрүүлэн, өв соёлоо хайрлан хамгаалж, хөгжүүлэн дэлгэрүүлдэг үндэсний үзэлтэй иргэнийг төлөвшүүлж, “Бүх нийтийн соёлын боловсрол”-ын түвшнийг ахиулахад чиглэж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
