УИХ-ын Байгаль орчин, хүнс хөдөө аж ахуйн байнгын хорооны хуралдаан өнөөдөр /2023.11.29/ боллоо. Хурлын үеэр УИХ-ын гишүүн Ц.Идэрбат асуулт асууж талбайр авав.
Ц.Идэрбат: "Өнгөрсөн 7 хоногт орон нутагт ажиллах үеэр иргэдийн зүгээс гурилын үнийн өсөлтийг ихээр асууж байна. 2021 онд нэг кг нь 1300 төгрөг байсан гурил өнөөдөр 2500 төгрөг болсон байна. Яам нь үйлдвэр эрхлэгчидтэйгээ хамтарч ажилладаг. Тариалсан, үйлдвэрлэсэн гурил хуйвалдааны маягаар үнэ нь өсөж байна уу гэдгийг ШӨХТГ-аас хяналт тавьж үзэх хэрэгтэй. Гурилын үнийн өсөлттэй холбоотой асуудлаар ШӨХТГ-ын мэдээллийг байнгын хорооны хурлаар сонсох хүсэлтэй байна.
Нөгөөтэйгүүр Монголбанк зээлийн бодлогын хүүг 13 хувьд барьж байгаа. Гол шалтгаан нь инфляци нөлөөлж буйг хэлсэн. Инфляцид гадаад хүчин зүйл гэхээсээ илүүтэй дотоод хүчин зүйл, ялангуяа гурилын үнийн өсөлт асар их нөлөөлж байна. Улмаар бизнес эрхлэгчдэд арилжааны зээл өндөр хүүтэй хүрч байна.
Иргэд ес эхлээгүй байхад -30 хэм хүйтэн, зам даваа хаагдсан энэ цаг үед малын тэжээлийн үнийг гурилын үнэ шиг битгий алдаарай гэж ярьж байна. 22 мянгатай тэжээл цас орсон сургаар 28 мянган төгрөг болж байна. Гэтэл Монгол улс хивэг экспортлож байгаа. Экспортолж байгаа нь яг үнэн үү?" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
