Энгийн бидний эрх зөрчигддөг энэ нийгэмд хөгжлийн бэрхшээлтэй иргэдийн эрх хэр их зөрчигддөг бол... 12.03 “Хөгжлийн бэрхшээлтэй иргэдийн эрхийг хамгаалах дэлхийн өдөр” тохиодог. МУБИС-ийн БоСС-ийн “Нийгмийн ажлын тэнхимээс” жил болгон уламжлал болгон зохион байгуулагдаг “Мэргэжилээ хэн сайн мэдэх вэ?” тэмцээн энэ жил ч 11.23 болж өнгөрсөн. Энэхүү тэмцээний үеэр хөгжлийн бэрхшээлтэй иргэний дүрд хувираад тэргэнцэртэй хүн болж гэрийн даалгавраа гүйцэтгэсэн нэг анги үр дүнгээ танилцуулав.
Хөгжлийн бэрхшээлтэй хүнтэй харьцаж буй хүмүүсийн үйлдэл, үг муухай биш харин харц, хандлага нь хамгийн муухай гэв. Зөрсөн хүн болгон хэл амаар доромжилж, муухай үйлдэл гаргахгүй ч хүн болгон өрөвдсөн харцаар хардаг.
Мөн хандлага нь мэдрэгддэг. Хөгжлийн бэрхшээлтэй л бол бусдаас дутуу гэсэн хандлага, үзэл бодол нийгэмд их байна. Үүнээс болж хөгжлийн бэрхшээлтэй хүмүүс нийгмээс тусгаарлагдан өөрийгөө голж гэртээ суух үзэгдэл манай улсад элбэг байна. Мөн хөгжлийн бэрхшээлтэй хүн сурч хөгжихөд дэд бүтэц хангалтгүй байгаа юм. Хамгийн түрүүнд стандартын дагуу зам, нийтийн тээврийг бий болгоод өгвөл сурч хөгжих хүсэл хүн бүрд бий. Хөгжлийн бэрхшээлтэй хүн энгийн хүнээс хэд дахин илүү сэтгэлийн хадтай, хичээл зүтгэл гаргаж ажиллаж амьдардаг. Эрхийнхээ төлөө тэр бүр дуугарч чаддаггүй, дуугарсан ч хүмүүст төдийлөн хүрдэггүй хөгжлийн бэрхшээлтэй хүмүүсийн эрхийн төлөө бид дуу хоолойгоо хүргэж, тэмцэх нь зөв. Тэмцэл гэхээр заавал том зүйл биш хамгийн энгийн амьдрах хөгжих орчинг нь бүрдүүлэхэд өөрийн чадах хэмжээгээрээ туслахад л хангалттай. Албан байгууллагуудын хөгжлийн бэрхшээлтэй иргэдэд зориулсан налуу зам өргөлтийн өндөр 800 мм-ээс, налуугийн өнцөг 1:12-оос ихгүй, 200 мм-ийн өндөрт гарах бол 1:10-аас ихгүй, хөндлөнгийн налуу 1:50-аас хэтрэхгүй байх ёстой. Налуу замын болон талбайн гадна хүрээний далангийн өндөр 50 мм-ээс багагүй байх ёстой. Энэ стандартыг шаарддаг байх өөрсдийн ухамсраараа стандартын дагуу хийдэг байх нь өөрөө эрхийг нь хамгаалж буй хэлбэр юм. Мөн хүн л бол хүн гэсэн үзлээр хөгжлийн бэрхшээлтэй иргэдэд хандаж оролцох, хөгжих бололцоогоор нь хангаарай. Тэд биднээс ямар нэгэн зүйлээрээ дутуу биш харин биднээс арай өөр хэрэгцээ шаардлагатай хүмүүс юм.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
